Nao ngui adôh suang hrŏm tal anai hơmâo giăm 600 čô mơnuih apăn bruă, ƀing thâo adôh suang mơng 15 grup mơng hơdôm anom bruă gru grua hăng pôr pơhing, anom bruă gru grua hơdôm boh tơring glông, plơi prong hăng anom bruă git gai ling tơhan tơring čar Dak Lak. 82 tơlơi adôh suang hăng hơdôm tơlơi ngă sen amăng tal ngui ngor hơmâo ruah mơng hơdôm tal pơplông ƀơi ƀon lan.

Hơdôm tơlơi adôh suang kiăng pơpŭ Ping gah hing ang, Wa Hô, pran khăp kơ lŏn ia, tơlơi hơdip mơ-ak ƀơi Dak Lak; hơdôm tơlơi dưi prong mơng ngă hơkrŭ ƀơi Việt Nam hăng thun blan pơplih phrâo lŏn ia rơbêh 35 thun laih rơgao; lăi nao pran đăo gơnang mơng mơnuih ƀon sang tui tơlơi git gai mơng Ping gah, gir run pơjing hăng wai pơgang lŏn ia Việt Nam xã hội chủ nghiã.