VOV4.Jarai - Tlam lơ 23/8, ƀơi sang pơplông bơkơjăp drơi jăn tơring čar Dak Lăk, plơi prong Buôn Ma Thuột, pơ ala kơ Khul pơlir hơbit đă boh lông Việt Nam, Hră pơhing Thiếu niên Tiền phong hăng Nhi đồng, Gơnong bruă bơkơjăp drơi jăn hăng tuai čuă ngui Dak Lăk hrŏm hăng pô djru prăk pơphun jơnum “Pri đă boh lông U9 Cup Toyota 2022”. Pri anai hơmâo pơphun mơng lơ 23 truh lơ 31/8/2022.

Pô pơ ala kơ anom pơphun brơi hla kơ, bơnga kơ ƀing nao pơplông

Pô pơphun đă blung a lĕ Dak Lăk hăng Grup đă boh lông Hải Phòng

Nao pơplông hơmâo giăm 260 čô čơđai đă boh lông (hnưr thun mơng 9 truh anet ƀiă) mơng 16 grup đă boh lông lĕ tơring čar juăt pơphun ngui đă boh lông hmư̆ hing kah hăng: Phú Thọ, Sotek Bắc Ninh, Luxury Hạ Long, Quảng Ninh, HYS Hà Nội, grup đă boh lông Hà Nội, Grup đă boh lông Hải Phòng, Việt Hùng Thanh Hoá, Sông Lam Nghệ An, VietFootball, Kon Tum, PSFC Gia Lai, Ngọc Hùng ƀon prong HCM, Thuận An Bình Dương, Minh Phát Bắc Giang, Văn Tâm Đồng Nai hăng Dăk Lăk - tơring čar pơphun, gum pơplông mă pri.

Siu H’Mai: Pơblang