Jơlan hơdră anai yua Ding jum Pơkra gơnam sĭ mơdrô ngă hrŏm hăng Ding jum Gru grua, bơrơguăt drơi jăn hăng tuai čuă ngui, Ding jum bruă hmua hăng ayuh hyiăng, Jơnum min mơnuih ƀôn sang ƀôn prong Hà Nội, Jơnum min mơnuih ƀôn sang ƀôn prong Hồ Chí Minh, Grup bơwih ƀong Vingroup pơphun, jing anih pơƀut gru grua hiam, ia iŏm hyơ hyơr rim bơyan Tê̆t truh, bơyan bơnga rai.

Hăng anŏ pơphun prong, pơƀut hơdôm rơbâo khul grup, anom mơdrô amăng dêh čar hăng čar rơngiao, Sang čơ pơtrut mơnuih blơi yua gơnam dêh čar ta pơkra, pơpŭ hăng pơƀuh hyu gơnam Việt Nam klă. Anai jing tơlơi gir kiăng pơđĭ anŏ yom “pơkra - ba hyu - blơi”, pơjing rai sa anih blơi gơnam dik dak, tui tơlơi kiăng mơ̆ng mơnuih ƀôn sang amăng hrơi giăm Tê̆t. Sang čơ hơmâo 3.000 jơgăn pơdă gơnam hmư̆ hing hrŏm hăng anih jơnum ngui gru grua, ƀong huă hăng hyu pel, ngă lăng.