VOV4.Jarai - Mơguah lơ 26/4, ƀơi Tơdron pơplông bơrơguăt drơi jăn Kông ang tơring čar Kon Tum pơphun pơplông apah ten nit đah rơkơi - đah kơmơi mă pri Sâm Ngọc Linh Kon Tum K5 thun 2022. Anai lĕ tal blung a tơring čar Kon Tum hăng ăt lĕ tơring čar blung a amăng kual Dap kơdư pơphun tal pơplông anai. Tal pơplông anai pơphun amăng 7 hrơi, mơng lơ 26/4 truh pơ lơ 2/5, Tal pơplông apah ten nit đah rơkơi - đah kơmơi mă pri Sâm Ngọc Linh Kon Tum K5 thun 2022 hơmâo 140 čô mơnuih bơrơguăt drơi jăn amăng đơ đam dêh čar Việt Nam hăng hơmâo wŏt mơnuih ƀon sang dŏ hơdip pơ tač rơngiao nao pơplông hrŏm.
Tal pơplông apah ten nit blung a kơplah wah Nguyễn Tâm Đăng grup Ling tơhan hăng Trần Quang grup Kon Tum
Tal anai hơmâo 5 tơlơi pơplông anun lĕ: sa čô đah rơkơi, sa čô đah kơmơi, dua čô đah rơkơi, dua čô đah kơmơi hăng dua čô đah rơkơi đah kơmơi. Rĭm čô dưi pơplông 2 mơta hăng lơ̆m pơplông dua čô dưi mut hrŏm hăng grup pơkŏn. Khua Khul pơplông brơi thâo, tal anai pơphun kiăng kơ pơsur ƀing mơnuih bơrơguăt drơi jăn thâo dong hăng prap lui klă hloh kơ tal pơplông Seagame 31.
Siu Đoan: Pơblang
Viết bình luận