Anai lĕ tơlơi pơphun yôm phăn anăp nao tal hơdor glăi 50 thun akŏ pơjing tơlơi rô nao rai pơtôm hiăp Việt Nam-Japan, pơgôp pơpŭ anŏ yôm phara mơng gru grua, tơlơi rô nao rai ngă hrŏm, giang mah kjăp kơplah wah dua boh dêh čar, kơplah wah tơring čar Hà Nam hăng hơdôm boh ƀon lan, khul grup mơng Japan.

Amăng mông ngă lơphet, Khua git gai pơ ala mơnuih ƀon sang dêh čar ơi Vương Đình Huệ pơ ala brơi khua mua Ping gah, Kơnuk kơna jao tơlơi pơsit tŭ yap 2 gơnam yôm dêh čar brơi tơring čar Hà Nam. Anai lĕ gơnam yôm dêh čar, anun lĕ kơƀang pơtâo sang phơ̆t Giàu (să Đinh Xá, plơi prong Phủ Lý) hăng gơnam yôm dêh čar Hơgor ia prăk Tiên Nội 1 (sa amăng 16 glăk dŏ djă pioh ƀơi Sang djă pioh gơnam yôm tơring čar Hà Nam). Laih dong, Ding jum gru grua, bơrơguăt drơi jăn hăng tuai čuă ngui hơmâo jao tơlơi pơsit tŭ yap anih djă pioh gơnam yôm gưl dêh čar hăng 4 anih ƀơi Hà Nam.