VOV4.Jarai - Tlam lơ 21/9, ƀơi tơdrŏn bơrơguăt drơi jăn tơring čar Dak Lak pơphun mông ngă lơphet pơphun tal pơplông đă boh lông čơđai sang hră gưl sa hăng gưl dua đơ đam dêh čar mă Cup Milo thun 2022. Tal pơplông đă boh lông čơđai sang hră gưl sa, gưl dua đơ đam dêh čar mă Cup Milo thun 2022 pơphun mơng lơ 21 truh lơ 27/9/2022, hơmâo 248 čô čơđai nao đă boh lông mơng 16 gơnong bruă pơtô pơjuăt đơ đam dêh čar.

Amăng anun, gưl sa hơmâo 12 grup, gưl dua hơmâo 9 grup. Anai lĕ hơdôm grup đă boh lông kơtang hloh dưi nao đă amăng kual I ƀơi tơring čar Phú Thọ hăng kual II ƀơi tơring čar Bình Dương. Tal pơplông đă boh lông čơđai sang hră gưl sa hăng gưl dua đơ đam dêh čar mă Cup Milo lĕ tal pơplông tui gru grua rĭm thun, lĕ hrơi ngui ngor brơi ƀing čơđai sang hră hor đă boh lông.

Siu Đoan: Pơblang