VOV4.Jarai - Mơguah tom brơi (14/6), ƀơi tơdron đă boh lông tơring čar Kon Tum ƀơi plơi prong Kon Tum pơphun tal pơplông bơrơguăt drơi jăn tơring čar Kon Tum tal VII thun 2022. Pơphun amăng 7 hrơi, mơng anai truh abih lơ 20/6, tal pơplông bơrơguăt drơi jăn tơring čar Kon Tum tal VII thun 2022 hơmâo 30 grup hăng 2.600 čô mơnuih apăn bruă, nai pơtô hăng ƀing nao pơplông. Amăng tal pơplông anai amra hơmâo 18 tơlơi pơplông sua mă 136 boh miđai.

Glăm rup wa Hồ amăng mông pơphun tal pơplông bơrơguăt drơi jăn tơring čar Kn Tum tal VII thun 2022

Hlâo kơ hrơi pơphun hơmâo laih 10 tơlơi pơplông pơphun hlâo anun lĕ apah bóng bàn, cầu lông, kơ vua, kơ tướng, luai ia, đuăi, đă boh lông đah rơkơi, karate, teakwondo hăng yoga. Ơi Nguyễn Xuân Truyền, Kơ-iăng khua gơnong bruă gru grua, bơrơguăt drơi jăn hăng tuai čuă ngui, Kơ-iăng khua khhul pơphun pơplông bơrơguăt drơi jăn tơring čar Kon Tum tal VII thun 2022 brơi thâo, pơhmu hăng tal hlâo anun, tal anai hơmâo lu tơlơi pơplông hăng lu mơnuih nao pơplông hrŏm.

Siu Đoan: Pơblang