Pri anai sit nik pơphun lơ̆m mơmot tom brơi (lơ 14/7), 8 grup đah rơkơi hăng 6 grup đah kơmơi amra pơplông mă pri yôm hloh, hăng 2 pri (sa pri kơ đah rơkơi, sa pri kơ đah kơmơi) dưi nao pơplông ƀơi Pri pah boh lông dêh čar amăng tal pơplông pơ anăp dong.

Tui anun, 8 grup đah rơkơi hơmâo Vĩnh Long, Anom bơkơjăp drơi jăn Ling tơhan, Quân khu 3, Bến Tre, Trà Vinh, Kông an ƀôn prong Hồ Chí Minh, Quảng Nam hăng Anom git gai tơhan rŭi hyu Cảnh sát cơ động amra kah jing 2 bơnah, pơplông pơbưp nao rai 1 wơ̆t yap puang, hơdôm grup hơmâo puang lu hloh, lu kiăo tlôn rim bơnah amra mut nao pơplông tal rơnuč, tơdơi kơ anun ruah mă 2 grup hơmâo puang lu hloh ƀơi tal pơplông 4 grup mut pơplông tal rơnuč mă pri yôm hloh. Gah ƀing đah kơmơi, 6 grup đah kơmơi lĕ Thái Nguyên, Hà Nội, Hải Dương, Vĩnh Long, Hậu Giang hrŏm hăng tơring čar pơphun lĕ Dak Lăk amra pơplông bơbưp nao rai 1 wơ̆t yap puang, grup hơmâo puang lu hloh hăng kiăo tlôn amra pơplông tal rơnuč mă pri yôm hrŏm hăng dưi pơđĭ mrô dong amăng abih bang grup.