Hră pơsit anai pơ anăn “Đang bơnga amăng rơ-ưng lŏn tơnah UNESCO Dak Nông” amra dưi jao kơ Dak Nông amăng mông jơnum jar kmar čih anăn hơdrôm hră đang bơnga amăng rơ-ưng lŏn tơnah kual ASIA-Thái Bình Dương, pơphun lơ̆m blan 9/2024 ƀơi Đang bơnga amăng rơ-ưng lŏn tơnah UNESCO Non nước Cao Bằng, Việt Nam.
Tui hăng yă Tôn Thị Ngọc Hạnh, Kơ-iăng Khua jơnum min mơnuih ƀôn sang tơring čar Dak Nông, hră pơsit tŭ yap đang bơnga amăng rơ-ưng lŏn tơnah UNESCO mơ̆ng thun 2024-2027 ƀu djơ̆ kơnong tŭ yap tơlơi gir run mơ̆ng khua mua gong gai kơnuk kơna hăng mơnuih ƀôn sang Dak Nông amăng bruă djă pioh wai pơgang, rơnoh yôm kông ngăn gru nam hiam klă gru grua lŏn tơnah đưm đôč ôh, dŏ pok jơlan anŏ gêh găl kiăng hơmâo gơnam ngă hrŏm pơtrut pơđĭ kyar bơwih ƀong huă mơnuih mơnam hơđong kjăp amăng tơring čar kơñ pơgi ni anăp.
Viết bình luận