Pơsit tong glăi kual lŏn drŏn rŏng lŏn tơnah UNESCO Dak Nông
Thứ ba, 08:55, 27/06/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai - Ƀing rơgơi kơhnâo mơng Khul wai lăng kual lŏn drŏn rŏng lŏn tơnah UNESCO pơphun nao lăng pơsit tong kual lŏn drŏn rŏng lŏn tơnah UNESCO Dak Nông dong amăng hơdôm kual lŏn drŏn rŏn lŏn tơnah kiăng pơđĭ kyar hơđong kjăp.
Grup mă bruă amra pơsit tong glăi tơl kual lŏn drŏn rŏng lŏn tơnah UNESCO Dak Nông dong mơng anai truh lơ 30/6 pơ anăp. Tơdơi kơ nao tơl anih, grup hyu mă bruă amra jơnum hăng Jơnum min mơnuih ƀon sang tơring čar Dak Nông. Amăng hơdôm hrơi pơsit tong glăi hơdôm anih amăng kual lŏn drŏn rŏng lŏn tơnah UNESCO Dak Nông, grup hyu mă bruă amra ĕp pơƀut glăi hră pơ-ar hăng lu mơta bruă pơkŏn.
Mơng anun, ƀing rơgơi kơhnâo hơmâo tơlơi pơgôp, rơkâo kiăng pơđĭ kyar ƀiă dong kual lŏn drŏn rŏng lŏn tơnah UNESCO Dak Nông. Boh tơhnal mơng tal pơsit tong glăi kual lŏn drŏn rŏng lŏn tơnah UNESCO Dak Nông amra hơmâo khul wai lăng pơčrông sai hăng pơsit amăng blan 11/2023.
Viết bình luận