Anai jing sa amăng 3 anih hrăm hơmâo ngă kiăo tui Kơčăo bruă mrô 6, Jơlan hơdră dêh čar pơtrun pơđĭ kyar bơwih ƀong huă - mơnuih mơnam kual mơnuih ƀôn sang djuai ƀiă hăng čư̆ siăng amăng thun anai ƀơi Dak Lăk. Anih pơtô atông čing hăng suang M’nông ƀơi să Yang Tao hơmâo 32 čô mơnuih hrăm, thun mơ̆ng 13 truh kơ 54 thun. Amăng 1 blan, ƀing hrăm amra thâo suang hăng thâo atông 3 yŭ čing M’nông yua ƀing kơhnăk ƀơi anai pơtô brơi.

Mơ̆ng bruă hrăm kiăng pơtô brơi tơlơi thâo kiăng rơguăt atông čing kơ ƀing hlăk ai hăng ană plơi. Ngă pơhưč pran hor atông čing, thâo pơmin djă pioh răk lui gru grua hiam mơ̆ng djuai ania, pơtrut tui gru grua atông čing ring hơgor kual Dap Kơdư.