Anai lĕ sa amăng hơdôm djuai ania rai dŏ hơdip ƀơi tơring čar Dak Lak, mơnuih djuai ania Thái ƀơi să Hoà Phú rai mơng hơdôm tơring čar kual Yŭ kơdư anun lĕ: Sơn La, Lai Châu…Ră anai să Hoà Phú hơmâo giăm 600 boh sang anŏ djuai ania Thái hăng rơbêh 2.000 čô mơnuih. Hơdôm thun giăm anai, tơlơi hơdip bơwih ƀong huă, mơnuih mơnam mơng neh met wa jai hơdodng tui. Ƀing gơñu ăt tŏ tui gru grua yôm phara mơng djuai ania pơphun amăng hrơi ngui ngor, čơkă thun phrâo.
Grup gru grua djuai ania Thái hơmâo akŏ pơjing hăng giăm 30 čô ding kơna lĕ neh met wa Thái hor djă pioh gru grua djuai ania pô glăk dŏ hơdip ƀơi să Hoà Phú. Bruă akŏ pơjing grup anai kiăng djă pioh hơdôm gru grua sô hơđăp anun lĕ adôh Xòe Thái, boh pơhiăp, hră čih, eng ao, hrơi ngă yang rơbang. Mơng anun hơmâo dong anih ngui ngor hăng jing anih tum pơƀut mơng djuai ania Thái amăng tơring čar lăi hrŏm hăng ƀơi plơi prong Buôn Ma Thuột lăi phara.
Viết bình luận