Anai jing jơlan hơdră adoh suang prong hloh kơ mơ̆ng hlâo, hơmâo hơdôm rơtuh čô mơnuih apăn bruă adoh suang hmư̆ hing laih anun hơmâo lu mơnuih lăp đing nao. Nghệ sĩ ưu tú Doãn Trường Nguyên, Khua anom bruă Âm nhạc (VOV3), Gong phun pơtui jua pơhiăp Việt Nam, gơgrong bruă adoh suang mơ̆ng Jơlan hơdră adoh suang “Pơdrong sah mơ̆ng ia rơsĭ dêh čar” brơi thâo, anai lĕ jơlan hơdră adoh suang mơ-it kơ abih bang mơnuih ƀôn sang tơlơi pôr pơthâo khăp kơ ia rơsĭ, bul pơtâo plao ia rơsĭ, tơlơi pơ-ư ang djuai ania, pran jua pơgang ia rơsĭ, bul pơtâo ia rơsĭ, laih anun pran jua kiăng dưi hơdip mơ̆ng ia rơsĭ, ngă pơdrong mơ̆ng ia rơsĭ amra hơmâo mơ-it amăng tơlơi adoh suang, pơƀuh amăng rup hăng hơdôm tơlơi ră ruai amăng tơlơi hơdip mơda.