Hrơi Jơnum ngui bôh thâo đưm djop djuai ania ƀiă tơring čar Gia Lai thun 2025 pơkă hlâo tum pơƀut rơbêh kơ 700 čô mơnuih thâo phiăn đưm ƀơi 17 bôh tơring glông, plơi prong amăng tơring čar. Anih anom hrơi jơnum jrêm jram ia bôh thâo đưm hăng hơdôm bruă mă kah hăng pơdah glăi tơlơi hơdip plơi pla, pơdah băn ao, tơlơi adôh sang, gơnam ƀong huă đưm hăng hơdôm tơlơi ngui đưm; hơdôm čơgăn gơnam tam phara ha jăn mơ̆ng tơring čar kah hăng kơphê, tơpai čeh, asơi hrong, mơnong hơ-om... djru lăi pơhưč anô̆ hmâo hăng lu mơta bôh thâo đưm mơ̆ng neh wa djop djuai amăng tơring čar.

Ƀing thâo phiăn đưm Nay Ka ƀơi Bon Phu Ama Nhuer 2, să Ia Rtô, plơi prong Ayun Pa brơi thâo: thun anai, grŭp thâo tơlơi đưm plơi prong Ayun Pa hmâo 46 čô mơnuih amra gum hrŏm lu bôh yôm phara ha jăn kah hăng pơdah čing hơgor, rơngaih mơñam băn ao, gum hrŏm hơdôm tơlơi ngui đưm./.