Amăng mông pơbưp, mơnuih čih tơlơi čih hmâo lăi pơthâo nao rai laih tơlơi găn rơgao pơčeh phrâo tơlơi pia pioh kơ čơđai muai, hơdôm anô̆ tơlơi čih bôh pia lăp djơ̆ hăng rim hnưr thun, hơdră čih, mă yua bôh pia lơm čih lăi nao kơ tơlơi anai.

Hơdôm mơnuih čih tơlơi čih anai ăt lăi pơthâo mơn hơdôm tơlơi tơnap lơm čih lăi nao kơ čơđai muai, pơdah pran jua čang rơmang khua Khul čih bôh pia adôh suang tơring čar Dak Lak amra đing nao, pơphun hơdôm tal hyu ĕp lăng bôh nik pơčeh phrâo pioh kơ čơđai muai ƀơi tơring čar. Pô pơ ala kơ Sang in tơglit hơdrôm hră Kim Đồng ăt lăi pơthâo mơn kơ pri bơni Tơlơi bôh pia Kim Đồng. Anai lĕ pri bơni tal blung a dưi pơphun pioh kơ hơdôm mơnuih pơčeh phrâo tơlơi čih bôh pia kơ čơđai muai hăng tơdăm ngek dra muai. Abih bang pri bơni giăm truh 400 klăk prăk, hăng nua yôm hloh truh 100 klăk prăk sa pri./.