Tơlơi pơđŏm glăi amăng hrơi pơklaih rơngai lŏn ia hăng ngui gru grua-tơnă hơbai Việt Nam hăng anăn “Bơngăt djuai ania-Ia mơngưi mơng plơi pla”. Hrơi ngui “Pơklaih rơngao lŏn ia” hơmâo tơring čar Quảng Trị pơphun amăng mơguah lơ 30/4 ƀơi anih djă pioh gru grua lŏn ia yôm phăn Đôi Bờ Hiền Lương - Bến Hải amra pơhưč lu mơnuih ƀon sang, tuai čuă ngui, sit biă ñu lĕ ƀing tơhan hơđăp rai ngui hrŏm. Tơdơi kơ mông dui đĭ hla kơ lĕ ngui čeo song nan amăng ia krông Bến Hải.

Hrơi ngui gru grua-tơbiă hơbai Việt Nam thun 2023 hăng anăn “Bơngăt djuai ania-Ia mơngưi mơng plơi pla” pơphun dong mơng lơ 28-30/4 ƀơi anih djă pioh gru grua Cửu Việt, tơring kual Cửu Việt, tơring glông Gio Linh. Hrơi ngui ngor anai hơmâo 80 anih pơdă prưng gơnam ƀong mơng 3 kual Kơdư-Tong kra-Dơnung hăng hơmâo lu mơnuih rơgơi kơhnâo, ƀing thâo tơnă hơbai hloh amăng dêh čar Việt Nam.