Tal pơplông čeo song nan amăng ia krông Pô Cô thun 2023 hơmâo 39 grup song nan….Rĭm grup hơmâo 2 čô mơnuih čeo song ataih 1.000 met. Ƀrô tal anai ăt hơmâo 13 grup čing hơgor, 14 grup adôh suang mơng 13 boh să, tơring kual, anih anom amăng tơring glông Ia Grai, tơring glông Đức Cơ tơring čar Gia Lai hăng tơring glông Ia H’Drai (tơring čar Kon Tum) hơmâo hơdôm tơlơi adôh suang mơ-ak hloh amăng hrơi ngui anai.

Tal pơplông čeo song nan amăng ia krông Pô Cô hăng ngui atông čing hơgor amăng tơring glông giăm guai Ia Grai pơphun tui tơđar kiăng djă pioh hăng lăi pơthâo gru grua yôm phara mơng mơnuih ƀon sang.