VOV4.Jarai - Lơ 14/4, Jơnum min mơnuih ƀôn sang tơring čar Kontum gum hrom hăng Sang hră Đại học Đà Nẵng pơdŏng ƀơi Kontum hăng Khul jiăng mah Việt Nam – Lao – Kur tơring čar pơphun Tết tui phiăn juăt Bunpimay hăng Chol Chnăm Thmây kơ ƀing čơđai sang hră Lao hăng Kur glăk hrăm hră, hrăm bruă ƀơi tơring čar.

Phiăn ngă yang čơkă thun phrâo tui phiăn juăt Chol Chnăm Thmay mơng Kur

Amăng Jơlan hơdră, khua pơ ala hăng ƀing čơđai sang hră ngă tui phiăn ngă yang kă hrĕ mrai ƀơi tơkuai tơngan amăng Tết tui phiăn juăt Bunpimay mơng dêh čar Lao hăng ngă yang čơkă thun phrâo tui phiăn juăt Chol Chnăm Thmây mơng dêh čar Kur, hrom hăng mơ-ak adôh suang Lăm Vông... Tal anai, Jơnum min mơnuih ƀôn sang tơring čar Kontum, Sang hră Đại học Đà Nẵng ƀơi Kontum hmâo ƀơk brơi laih hơdôm gơnam tŭ yua hăng hơdôm tơlơi hơ-ư̆č hmưi klă hiam truh hăng ƀing čơđai sang hră ƀrô djơ̆ tal Tết tui phiăn juăt. Dưi thâo, ră anai hmâo rơbêh kơ 160 čô čơđai gưl dlông dêh čar Lao hăng 17 čô čơđai gưl dlông Kur glăk dô̆ hrăm ƀơi Sang hră Đại học Đà Nẵng ƀơi Kontum./.

Siu H’ Prăk: Pơblang