Sa amăng hơdôm bôh tơhnal ƀuh rơđah hloh lĕ amăng thun rơgao, Gong phun jua pơhiăp hmâo mă 170 pri čih tơlơi pơhing phrâo djŏp mơta. Thun rơgao, Gong phun jua pơhiăp dêh čar Việt Nam lăi pơhing tañ, tum djop, abih bang hơdôm tơlơi pơhing phrâo, bruă kơđi čar, bơwih ƀong, mơnuih mơnam, bôh thâo, tuai čuă ngui, bơkơjăp drơi jăn amăng lŏn ia; hrŏm hăng anun kiăo tui tơlơi črâo ba, pơsit jơlan gah amăng tơlơi pơhing hyu kơ tơlơi jar kơmar, hmao pơtŏng sit tơlơi pơmin, pran gơgrong mơ̆ng Ping gah, Kơnuk kơna ta ƀơi anăp hơdôm tơlơi jar kơmar prong, amăng anun hmâo tơlơi rung răng Nga – Ukraine, Israel hăng Hamas.

Ba tơbiă 15 rơwang bruă amăng thun 2024, Gong phun jua pơhiăp dêh čar Việt Nam kiăo tui dong tơlơi črâo ba, git gai mơ̆ng Gong gai dêh čar, Khua dêh čar pioh ngă tui klă bruă jao, tơlơi pơhing djơ̆, hmao tlôn, pơhlôm akô̆ tlôn, dơlăm hơdôm tơlơi, bruă amăng hăng gah rơngiao dêh čar; Hơdôm jơlan pơsir git gai mơ̆ng Gong gai dêh car pioh ngă truh kih tơhnal pơkă pơđĭ kyar bơwih ƀong – mơnuih mơnam; pơphun truh kih Jơnum ngui pơtui jua pơhiăp đơ đam dêh čar tal 16; gum hrŏm klă hơdôm pri pơplông čih tơlơi pơhing prong amăng lŏn ia hăng dêh čar tač rơngiao... Ăt amăng čơtlăm tom brơi mơn, Ping gah Gong phun jua pơhiăp dêh čar Việt Nam pơphun klah čun bruă pơdŏng Ping gah thun 2023, pok pơhai bruă mă thun 2024./.