Amăng mông jơnum, mơnuih rơgơi kơhnâo amăng djă pioh gru grua yă Linh Nga Niê Kdăm lăi rơđah, đah kơmơi lĕ ƀing mơnuih akŏ phun amăng bruă djă pioh, pơtô glăi gru grua mơng djop djuai aia. Sit biă ñu, đah kơmơi rơgơi kơhnâo tơring čar Dak Lak, hăng tơlơi gơgrong mơng ƀing gơñu, hơmâo ngă klă bruă jao mơng Kơnuk kơna, bruă amăng sang anŏ hăng amăng mơnuih mơnam.

Ƀơi tơring čar Dak Lak amăng hrơi blan rơgao hơmâo lu tơlơi pơčeh, akŏ bruă kơsem min tui boh thâo phrâo, bruă djă pioh hăng lăi pơthâo gru grua yôm phara mơng djop djuai ania yua đah kơmơi pơphun ba glăi tơlơi truh kih hăng lar hyu djop anih. Amăng mông jơnum, pơ ala brơi hơdôm anom bruă wai lăng ăt lăi pơthâo kơ bruă wai lăng, kơsem min, kiăng djă pioh hăng lăi pơthâo gru grua djuai ania; bruă pơtô pơblang, pơtrut pơsur ƀing ding kơna, sit biă ñu đah kơmơi djuai ania ƀiă mut hrŏm djă pioh hăng lăi pơthâo gru grua.