Hrŏm hăng hơdôm anih pơdă mơnong ƀong huă mơng 21 boh să, phường amăng plơi prong Kon Tum, amăng anih lăi pơthâo gru grua mơnong ƀong huă rok jơlan Trần Cao Vân ăt hơmâo anih pơdă mơng 3 boh tơring glông: Kon Rẫy, Kon Plông hăng Đăk Glei mut hrŏm.

Anŏ pơhưč hloh lĕ hơdôm mơnong ƀong huă jơman mơng glai rưng anun lĕ đing brông, mơnŭ om, akan ia krông čroh hnoh, tơpai akha kyâo, añăm rơbung mơsăm…

Tơlơi yôm dong lĕ hơmâo wŏt hơdôm añăm  ƀong juăt hơbai anun lĕ asơi rơbung, ƀañ trang klon, gỏi pơluk, đĕ… ăt hơmâo lăi pơthâo kiăng mơnuih ƀon sang hăng tuai čuă ngui nao ƀong lăng.

Hăng hrơi pơphun prong hloh dong mơng hlâo anun, amăng mông lăi pơthâo mơnong ƀong huă yua Jơnum min mơnuih ƀon sang plơi prong Kon Tum pơphun hơmâo giăm 1.400 čô khua mua, mơnuih ƀon sang, tuai čuă ngui nao ƀong mơñum hrŏm. Mut hrŏm tơnă hơbai, lăi pơthâo mơnong ƀong huă amăng tơlơi ngui hơmâo rơbêh 120 čô mơnuih rơgơi kơhnâo hăng ƀing thâo tơnă hơbai.