Hrŏm hăng hơdôm bôh tơhnal klă, jơnum pơsit lơm pok pơhai tơlơi pơtrun pơsit, tơring čar, ƀôn prong ăt dô̆ mơn bruă akă  dưi ngă. Biă ñu bruă git gai, črâo ba mơ̆ng sa dua gưl Ping gah, gong gai, kơčăo bruă pok pơhai ngă tui ƀơi sa dua grŭp Ping gah, ƀirô, anom bruă dô̆ kaih, akă djơ̆ hăng tơlơi kiăng sit; tơlơi thâo mơ̆ng sa dua čô mơnuih apăn bruă, mơnuih ping gah, mơnuih ƀôn sang akă dơlăm hăng pơhlôm akô̆ tlôn.

Kiăng hơkrŭ pơsir hơdôm bruă akă dưi ngă, jơnum ba tơbiă 10 bruă jao hăng jơlan pơsir đing nao pok pơhai ngă tui pơ̆ anăp anai. Amăng anun, đing nao bruă ngă tui nua yôm, bruă mă hăng pran kơtang bôh thâo đưm, pran jua tuh rơyuh mơ̆ng mơnuih apăn bruă, mơnuih ping gah hăng hơdôm gưl mơnuih ƀôn sang; pơjing mơnuih hmâo pran jua klă, hmâo kơnuih hăng jơlan gah hơdip hiam, thâo kơjăp pran djuai ania, ană mơnuih, tơpă hăng hmâo akô̆ tlôn./.