Ƀuôn Kuốp, să Dray Sáp, tơring glông Krông Ana lĕ plơi pla dŏ hơdip sui mơng đưm đă ră hlâo kơ djuai ania Êđê hăng M’nông. Ƀuôn anai ataih mơng plơi prong Buôn Ma Thuột 21 km, pơdong rôk tui jơlan mơng drai ia Dray Nur nao pơ Dray Sáp Hlao (arăng juăt iâu lĕ drai ia Gia Long).

Amăng plơi pla dŏ djă pioh lu gru grua yôm phara mơng djuai ania Êđê hăng M’nông anun lĕ: grup čing hơgor, adôh eirei, ayun suang, hơdôm hrơi ngă yang pin ia, huăi asơi hle, pơthi hăng mơñam abăn ao, rêu rô, kŏng tơpai čeh, pơkra gông brô̆…Ră anai amăng plơi dŏ djă pioh 50 boh sang djuai ania ƀiă amra ngă anih jưh tuai čuă ngui. Mơng thun 2023, ƀuôn Kuốp hơmâo tơring čar Dak Lak djru tuh pơ alin man pơdong, pơplih pơkra jum dar, ngă tui bruă pơđĭ kyar bơwih brơi tuai čuă ngui amăng plơi pla.