Mơ̆ng anun pơtrut tơring čar ngă bruă klă hloh, pôr pơthâo, bang hyu hloh anŏ hiam mơ̆ng gru grua djuai ania ƀiă amăng tơring. Amăng 3 blan tal 1 thun anai, Dak Lăk hơmâo čơkă 700 rơbâo čô tuai, amăng anun hơmâo rơbêh 16.500 čô tuai mơ̆ng jar kmar. Prăk pơhrui mơ̆ng bruă tuai hyu ngui rơbêh 600 klai prăk, đĭ giăm dua wơ̆t pơhmu hăng thun hlâo.

Tơlơi ngă pơhưč tuai čuă ngui lĕ Jơnum ngui kơphê hăng lu bruă ngă lơphet 50 thun blah dưi Buôn Ma Thuột, pơklaih rơngai tơring čar Dak Lăk. Tŏ tui tơlơi hơmâo ngă, Dak Lăk pơphun ngă lu bruă pơhưč tuai, ngă re se bruă atông čing 2 wơ̆t ha blan, pơphun pơplông apah pri bơrơguăt drơi jăn amăng kual wơ̆t hăng amăng lŏn ia, gir pơkra phrâo bruă bơwih brơi tuai./.