Lơ̆m 6 mông 30 tlam tui mông dêh čar New Zealand, jơnum pok pơhai tal pơplông rơnuč grup đah kơmơi čưng boh lông jar kmar anăn FIFA World Cup đah kơmơi 2023 pơphun ƀơi tơdron čưng boh lông Eden Park ƀôn prong Auckland, New Zealand. Tơlơi lăp đing nao, pok jơnum hơmâo tơlơi adoh mơak mơ̆ng dua čô mơnuih pơčeh tơlơi adoh dêh čar Australia hăng mơnuih adoh suang dêh čar New Zealand hăng tơlơi adoh “Do It Again”, tơlơi adoh sit nik mơ̆ng World Cup grup čưng boh lông đah kơmơi thun 2023.
Giong pơphun jơnum năng ai 30 mơnit tơdơi kơ anun, pơhun pơplông mơtam grup čưng boh lông đah kơmơi dêh čar New Zealand hăng dêh čar Na-uy. Ƀu hơjăn dêh čar New Zealand ôh, Australia pơphun hrŏm tal pơplông anai. FIFA World Cup đah kơmơi 2023 amra hơmâo 64 wơ̆t pơplông, ƀơi 9 boh ƀôn prong dêh čar New Zealand hăng Australia. Thun anai, jing thun blung a hơmâo lu grup nao pơplông hrŏm truh 32 grup hăng 8 grup čưng boh lông đah kơmơi đơ đa tal blung a nao pơplông kah hăng dêh čar Haiti, Morocco, Panama, Philippines, Bồ Đào Nha, lŏn ia Ireland, Zambia hăng Việt Nam.
Viết bình luận