VOV4.Jarai-Kiăng bơwih brơi kơ Sea Games 31 pơphun mơ̆ng lơ 12/5, Grup sang dăng kông VNPT pơtrut pơkra, dưm truă hrĕ dăng kông boh thâo ia rơgơi ƀơi anih či pơplông. Truh ră anai, hơdôm črăn bruă, hơdôm bruă ngă tal rơnuč ƀiă giong yơh mơ̆ng VNPT laih anun lông mă yua lăng hlâo, hlâo kơ truh mông Jơnum prong pơplông. Sa amăng hơdôm bruă mă, pơplông pơrơguăt drơi jăn prong amăng kual, tui hăng ƀing khua mua pơphun bruă mă, him lăng bruă ngă anai amra pơhưč truh 1 klai čô mơnuih ĕp lăng amăng tivi hăng plăng internet hăng 1.200 mông pơdah ba lăng mơtam.

Tơlơi anai, sa bruă mă tơnap kơ anom bruă dăng kông, VNPT dưm truă lu dơ̆ng hrĕ, jơlan pơtruh Internet kơtang ƀiă hăng anŏ pơtui 3G, 4G ƀơi anih pơplông či Hà Nội hăng 10 boh tơring čar, ƀon prong pơkŏn. Anai lĕ jơlan hrĕ pơtruh Internet dưi dưm truă kơtang, hmar, hơmâo lông lăng laih, dưi djop kơ tơlơi pơhing huăi tơ̆i dơnuai lơ̆m dŏ ĕp lăng, djru kơ mông pơdah thâo tơlơi pơplông Sea Games 31 tŭ yua hloh.

Nay Jek: Pơblang