Bruă pơdă prưng hmâo pơdă prưng laih 120 pŏk rŭp, hră pơ-ar, gơnam tam, hră kơsem min bôh thâo hăng hră pơ-ar lăi kơ Khua mir sir Tôn Đức Thắng. Rơgao kơ hơdôm hră pơ-ar, gơnam pơdă prưng, mơnuih nao lăng thâo rơđah hloh kơ sa amăng hơdôm mơnuih ba jơlan hlâo amăng bruă mă hăng tlaih rơngai djuai ania ƀơi Việt Nam, jing sa amăng hơdôm mơnuih gum hrom sui thun mơng Khua mir sir Hồ Chí Minh.

Tơlơi hơdip bruă ngă hơkrŭ bă kơ tơlơi lông mơng khua mir sir Tôn Đức Thắng jing gru rơđah gah pran jua hrưn đĭ ƀu thâo glêh glar kơ bruă tlaih rơngai djuai ania djop mơnuih mă bruă hăng mơnuih ƀôn sang. Bruă pơdă prưng jing bruă mă čơkă mơ-ak truh kih jơnum Khul hlăk ai rơnuk Hồ Chí Minh đơ đam dêh čar tal 12 glăk pơphun ƀơi Hà Nội. Mơng anun, pơsur rơnuk hlăk ai ƀu pơdơi gir run hrăm tui hăng ngă tui gru pran jua mơng khua mir sir Tôn Đức Thắng./.