Anai lĕ sa amăng hơdôm hrơi ngui ngor prong hloh đơ đam dêh čar. Hrơi ngui bơyan bơnga Yên Tử pơphun hăng tơlơi ngă yang rơkâo rơnuk rơnua hăng pok kru mơyang Yên Tử. Amăng hơdôm hrơi pơphun ngui ngor amra hơmâo hơdôm tơlơi ngui tui gru grua yôm phara anun lĕ: Pơphun hơdôm tơlơi ngui dưm hlâo; ngui adôh suang ƀơi Plơi Nương Yên Tử; pơdă prưng rup rap pơtô pơblang, lăi pơthâo hơdôm anŏ yôm hăng anŏ hiam hing ang mơng Yên Tử; nao ƀong huă hrŏm hơdôm añăm ƀong mơng djuai ania Dao Thanh Y ƀơi tơkai čư̆ Yên Tử.

Hrơi ngui bơyan bơnga Yên Tử lĕ bruă mă tui gru grua pơhlôm brơi bơyan ngui ngor kơ abih bang mơnuih, pơgôp djă pioh, pơ-ư ang, lăi pơthâo gru grua hăng rup rap hiam mơng Yên Tử tơl anih bang tuai amăng lŏn ia hăng tač rơngiao.