VOV4.Jarai - Hrom hăng ngă klă bruă pơhra\m ling tơhan, prăp lui bruă blah, mơnuih apăn bruă tơhan, ling tơhan Gru\p git gai Khul ling tơhan tơring glông Krông Pa] (Daklak) do# gum hrom klă bruă “Khul ling tơhan gum tơngan hrom pơdo\ng plơi pla phrâo”.

Hăng hơdôm ]ra\n bruă kah hăng: pơkiăo nao mơnuih apăn bruă gum hrom gưl Ping gah, pơdo\ng hơdôm hơdră bơwih [ong, djru hơdôm rơbâo hrơi bruă pơkra jơlan nao rai, kuăi hue\t kueng hnoh… hmâo djru klă tơring glông Krông Pa] ta` jing tơring glông blung a [ơi tơring ]ar Daklak kơ pơdo\ng plơi pla phrâo.

Jơlan amăng krah să tô nao rai plơi Phước Lộc 5 hăng kual Jơnum min m[s să Ea Phê ataih giăm truh 7 km. Hlâo adih, jơlan anai [ui hlu\ ngă gun bruă nao rai mơng m[s.

Ơi Nguyễn Văn Sơn [ơi plơi Phước Lộc 5 să Ea Phê brơi thâo, rơnu] thun hlâo, kơnuk kơna hmâo djru laih giăm truh 200 tơn xi măng, rơbêh kơ 1.500 khối ]uah bôh pơtâo pioh pơkra jơlan; biă `u Gru\p git gai Khul ling tơhan tơring glông Krông Pa] hmâo iâu pơhrui hơdôm rơtuh ]ô mơnuih apăn bruă tơhan, ling tơhan hăng tơhan plơi pơgang mă pô nao pơ phun  tuh [ê tông pơkra jơlan.

Mơng hrơi jơlan pơkra giong mă yua, [o# mơta plơi pla pơplih phrâo laih, bruă rô nao rai mơng m[s [u tơnap kah hăng hlâo adih dong tah. Ơi Sơn brơi thâo:

“Lom kơnuk kơna brơi prăk laih anun m[s hrom hăng khul ling tơhan mơng tơring glông iâu pơhrui rim hrơi truh kơ 40 ]ô mơnuih nao tuh [ê tông, hăng năng ai `u 10 hrơi le\ pơkra giong jơlan.

Tơdơi kơ jơlan pơkra giong neh wa mơ-ak biă, [o# mơta plơi pla ăt pơ plih phrâo abih bang mơn, [ing ]ơđai nao sang hră [u do# glut hlu\ amăng bơyan hơjan, [ui hlu\ amăng bơyan phang kah hăng hlâo adih dong tah”.

Khul tơhan plơi pơgang mă pô [ơi tơring glông Krông Pa], Daklak hmâo djru laih hơdôm rơtuh hrơi bruă pơkra jơlan nao rai

Kiăng tui bruă “Khul ling tơhan gum pran hrom pơdo\ng plơi pla phrâo”, hơdôm hrơi blan rơgao, hrom hăng bruă ngă giong pơhra\m tơhan prăp lui bruă blah le\ [ing apăn bruă tơhan, ling tơhan Gru\p git gai Khul ling tơhan tơring glông Krông Pa] do# ngă klă bruă pơtô ba m[s, gum hrom klă bruă ngă tui sa, dua  bôh yôm, tơhnal pơkă pơdo\ng plơi pla phrâo. Thiếu uý Nguyễn Quang Tuyến, gah Gru\p git gai Khul ling tơhan tơring glông Krông Pa], pô gum hrom klă amăng bruă pơdo\ng plơi pla phrâo [ơi tơring glông, brơi thâo:

“{ing gơmơi pơlir hrom hăng hơdôm khul gru\p pơkon kah hăng: Khul hlăk ai, Khul mơnuih ngă đang hmua, Đak kơmơi rơngiao bruă djru hrơi bruă pơkra jơlan, do# djru hrơi bruă yuă pơdai, pe\ kơ phê dong…

{ing gơmơi hmâo pel e\p hơdôm bôh sang ano# tơnap kơ sang do# pioh djru gơ`u pơkra glăi bơbung sang, pơnăng sang kiăng hmâo anih do# klă hloh. Rơngiao kơ rim blan, rim 3 blan [ing gơmơi ăt gum hrom mơn hăng m[s pơ phun kih rơmet anih anom do#, pơjing anih anom agaih klă hiam kiăng pơhlôm tơhnal gah anih anom do#...”

Pô pơ ala kơ Gru\p git gai Khul ling tơhan tơring glông Krông Pa] [ơk brơi rơmô rông kơ mơnuih [un rin

Krông Pa] jing tơring glông dưi hmâo tơring ]ar Daklak ruah tơring glông ngă gru mơng tơring ]ar gah pơdo\ng plơi pla phrâo, hăng tơhnal ba tơbiă le\ truh abih thun 2020 amra truh ako# pơkă.

Mơng thun 2016 truh ră anai, Krông Pa] hmâo 9/15 bôh să, tơring kual ngă giong tơhnal pơkă kơ pơdo\ng plơi pla phrâo.

Tui hăng ơi Trần Hồng Tiến, Khoa git gai Ping gah tơring glông Krông Pa], mơng ră anai truh abih thun 2020, tơring glông amra hrưn đ^ truh ako# pơkă 6 să do# glăi le\: Ea Uy, Ea Yiêng, Ea Hiu, Hồng Tiến, Tân Tiến hăng Vụ Bổn, kiăng pơhlôm kơ]a\o bruă ba tơbiă.

Ơi Tiến brơi thâo, kiăng dưi ngă tơlơi anai, kiăng biă tơlơi gum tơngan hrom mơng hơdôm gưl gơnong bruă, gưl m[s, amăng anun hmâo khul ling tơhan pơdo\ng puih kơđông [ơi tơring glông.

“{ing apăn bruă Ping gah mơng Khul ling tơhan tơring glông hmâo pơdo\ng laih kơ]a\o bruă ngă giong tơhnal pơkă 19.1 pơhlôm rơnuk rơnua plơi pla lo\n ia.

Rơngiao kơ anun [ing apăn bruă git gai hơdôm gru\p ping gah ruah mă hơdôm ]ra\n bruă rơđah kiăng djru tơring glông pơdo\ng plơi pla phrâo.

Rơđah biă `u kah hăng: djru pơkra jơlan, pơtô glăi bôh thâo phrâo, djru m[s anah phun pla, hlô rông djru tơring glông hro\ trun rin rơpa, mơng anun djru yôm kơ tơring glông ngă tui tơhnal pơkă pơdo\ng plơi pla phrâo”.

Krông Pa] amra jing tơring glông blung a [ơi Daklak truh ako# hlâo plơi pla phrâo amăng thun 2020

Thiếu tá Nguyễn Tiến Chức, pô apăn bruă kơđi ]ar Kơ-iăng Khoa Gru\p git gai Khul ling tơhan tơring glông Krông Pa] brơi thâo, anăp nao bruă “Khul ling tơhan gum pran hrom pơdo\ng plơi pla phrâo” mơng thun 2015 truh ră anai, puih kơđông hmâo iâu pơhrui giăm hmâo 1 rơbâo hrơi bruă kiăng pơkra rơbêh kơ 145 km jơlan nao rai; pơkra glăi, kuăi hue\t rơbêh kơ 50 km kueng hnoh; pik ia ping tuir [ơi sang hră, anih hrăm, sang ia jrao; pơdo\ng brơi 15 bôh sang do# hơdor tơngiă noa `u giăm truh 1 klai 200 klăk prăk kơ hơdôm bôh sang ano# [un rin, mơnuih gah hơdră bruă gum djru.

Biă `u, hmâo pơkiăo nao laih 15 ]ô mơnuih ping gah mơbruă nao pơ\ plơi pla gum hrom gưl Ping gah [ơi 15 bôh să, tơring kual kiăng djru hơdôm bôh să dưi ngă djơ\ tơhnal pơkă bruă kơđi ]ar mơng Ping gah klă hiam, kơja\p kơtang…

Pơ\ anăp anai, puih kơđông amra djru dong hơdôm bôh să ngă tui hơdôm tơhnal pơkă kiăng truh ako# djơ\ tui tơlơi pơkă hmâo ba tơbiă.

“Hăng hơdôm bôh să mơ\ akă truh ako#, [ing gơmơi amra ruah mă hơdôm mơnuih apăn bruă rơgơi thâo bruă gum hrom dong gưl Ping gah kiăng pơ phô brơi Gong gai amăng bruă pơdo\ng plơi pla phrâo.

Pơtô pơhra\m dong ling tơhan gum hrom klă amăng bruă anai. Rơngiao kơ anun, gum hơgo#p dong pran jua pioh jơlan nao rai amăng plơi pla dưi tuh [ê tông, kueng hnoh ăt tuh [ê tông mơn, mơng anun djru hơdôm bôh să ngă giong tơhnal pơkă pơdo\ng plơi pla phrâo”.

Tơdah lăi djơ\ mơn, bruă anăp nao “Khul ling tơhan gum pran hrom pơdo\ng plơi pla phrâo” mơng Gru\p git gai Khul ling tơhan tơring glông Krông Pa] hăng hơdôm bruă mă sit nik hmâo lar hyu laih, dưi hmâo gưl Ping gah, gong gai hăng m[s tơring glông ]ih djă pioh hăng pơsit yôm.

Djru ngă brơi Krông Pa] jing tơring glông blung a mơng Daklak ăt kah hăng tal 2 [ơi kual }ư\ Siăng truh ako# pơdo\ng plơi pla phrâo tơdơi kơ Đơn Dương tơring ]ar Lâm Đồng le\ amra jing biă. Mơng anun pơdo\ng kơja\p anih gơgrong amăng pran jua m[s, rơnuk rơnua pơgang lo\n ia dưi pơgang pơhlôm kơja\p./.

Siu H’ Prăk: Pô ]ih pơblang hăng pôr