VOV4.Jarai - Giăm 20 thun laih rơgao, Grup K52, gah Anom bruă git gai ling tơhan tơring c\ar Gialai (Quân khu 5) hơmâo e\p [uh hăng ba glăi pơ plơi pla rơbêh 1.400 per tơlang tơleh tơhan djai pơsăn drơi, tơhan djru blah ngă mơng Việt Nam amăng tal blah wang amăng lo\n ia hăng pơ dêh c\ar Kur, djop rơnuk ling tơhan amăng grup hơmâo găn rơgao tơnap tap, gleh glar gir run ngă pơgiong bruă jao.

Hơdôm hrơi rơnuc\ blan 7 anai, hơdôm pluh c\ô mơnuih apăn bruă, tơhan Grup K52 (Anom bruă git gai ling tơhan tơring c\ar Gialai) glăk gir run pơphun bruă mă [ơi kual Bến Cát, phường Bình An, plơi prong An Khê, tơring c\ar Gialai.

Bruă jao brơi Grup K52 le\ hyu e\p, ba glăi tơlang tơleh tơhan djai pơsăn drơi

{ơi anai tui tơlơi lăi pơthâo mơng mơnuih [on sang, amăng rơnuk blah wang le\ anih ayăt dor lu ling tơhan dêh c\ar ta djai pơsăn drơi. Đại úy Nguyễn Bá Lợi, Khua grup K52 brơi thâo, grup glăk hyu klơi dua glông luh, r^m luh pơplah le\ 1,5 met kiăng kơ hyu kuai tơlang tơleh.

Tui hăng sem lăng, tơlơi găn rơgao [ing gơmơi klơi pơgăn nao rai hyu e\p lăng, hyu klơi raih daih, đa [uh đa [u [uh ôh. Bơ hơdôm anih thâo tong ten laih tui hăng [ơi phường Tây Sơn ( plơi prong An Khê) phrâo anai [ing gơmơi klơi rơhaih 12 met karê, dơlăm 5 truh 6 met, pơdu\ đuăi lo\n lu biă mă.

Thuợng tá Nguyễn Xuân Toàn, Khua grup K52 brơi thâo, bruă mă e\p pơ[ut tơlang tơleh amăng dêh c\ar mơng grup pơphun mơng blan 6 truh pơ blan 9 r^m thun. Amăng bơyan phang, ako\ blan 10 thun hlâo anun, truh rơnuc\ blan 5 thun tơdơi anun, grup hơmâo nao pơ 3 boh tơring c\ar anun le\ Ratanakiri, StungTreng, Preah Vihear (dêh c\ar Kur).

{ơi dêh c\ar Kur, tơlơi hơdip lơ\m hyu e\p tơlang tơleh juăt pơphun amăng glai rưng, [ơi hơdôm plơi pla kual ataih, asuek. Yua anun bruă tơnă hơbai asơi huă a`ăm [ong bưp tơnap tap biă mă; lu anih ăt do\ mơn [om m^n, ia jrao măt do\ glăi mơng đưm hlâo; laih dong hu\i rơmông, hla ke\ laih dong duam ruă yua kơ kec\ ke\.

Ăt hơmâo le\ mơnuih djai yua kơ hla pơdâo ke\. Tơnap tap, gleh glar ăt lu mơn, samơ\ [u hơmâo hlơi ôh tơdu pran. Yua kơ [ing gơ`u pơm^n bruă e\p ba glăi tơlang tơleh [ing tơhan djai pơsăn drơi le\ bruă yôm hloh.

{u thâo pơhiăp tơlơi dêh c\ar tac\ rơngiao, ngă kơ bruă hyu tơ`a bla tơnap tap biă mă; [ơi anai hyu e\p tơnap [iă [ơi dêh c\ar Việt Nam. Yua kơ mơnuih thâo rơđah jai hrơi [iă tui.

Hlâo adih hơmâo wo\t hră pơ-ar rek glăi anih dor yua anun amu` e\p. Hơdôm thun giăm anai [u do\ hră pơ-ar dong tah, [ing mơnuih thâo ră anai tha rơma laih, [u hơdor tong ten lơi. Yua anun jai hrơi bruă hyu e\p jai tơnap tui.

“Bruă e\p pơ[ut glăi tơlang tơleh mah pơpă thơ kiăng hro\m hăng bruă gum djru mơnuih [on sang [ơi anun”, yua anun lơ\m hyu e\p pơ dêh c\ar tac\ rơngiao, grup hơmâo pơphun hơdôm rơbâo wo\t bruă khăm pơjrao tơlơi ruă brơi soh sel, djru brơi mơnuih [on sang dêh c\ar ha guai pơkra ming sang do\, khuer ia bơmun hơdjă, djru yuă hơpuă. Mơng tơlơi anai dưi pơtrut pran jua jê| giăm kơplah wah mơnuih [on sang hăng ling tơhan ta. Mơnuih [on sang dêh c\ar Kur hơmâo lu wo\t lăi pơthâo, c\râo brơi anih dor tơlang tơleh tơhan djai pơsăn drơi.

Grup K52 hơmâo pơsur 1 c\ô mơnuih le\ đưm hlâo ngă Khua gah Trung đoàn Pool Pốt [ơi Preah Vihear djru c\râo brơi anih dor 45 c\ô tơhan. Hro\m hăng anun le\ hơmâo sa, dua c\ô mơnuih ngă tơhan hơđăp djru c\râo brơi anih dor hơdôm pluh c\ô tơhan mơng dêh c\ar ta. Ơi Đinh Ngọc Châu, do\ [ơi să Thành An, plơi prong An Khê, Gia Lai brơi thâo:

Amăng mlăm đưm hlâo adih, kâo hơmâo pơgiăng do\p [ing tơhan djai ba nao dor. Mơng thun 1968 truh ră anai găn rơgao 50 thun laih, kâo ră anai tha rơma laih. Ră anai dưi laih klơi pơ[ut glăi tơlang tơleh [ing tơhan djai pơsăn drơi ba nao dor pơsat pioh hơdor tơngia.

Mơng hrơi ako\ pơjing (blan 1/2001) truh ră anai, Grup K52 hơmâo hyu e\p, klơi ba glăi 1.428 per tơlang tơleh tơhan djai pơsăn drơi [ơi 3 boh tơring c\ar amăng dêh c\ar Kur hăng lu tơring glông amăng tơring c\ar Gialai.

Amăng 20 thun laih rơgao, Grup K52 hơmâo e\p [uh hăng ba glăi 1.428 per tơlang tơleh tơhan djai pơsăn drơi

Hăng hơdôm tơlơi dưi ngă, Ping gah ling tơhan, Ding jum ling tơhan hơmâo rơkâo đ^ Kơnuk kơna ta pơpu\ Grup K52 pri Ling tơhan sông kơtang amăng rơnuk phrâo.

Đại tá Vũ Văn Sơn, Khua grup K52 hơđăp brơi thâo, bruă e\p tơlang tơleh tơhan djai pơsăn drơi amăng hơdôm thun blan pơ anăp anai amra bưp lu tơlơi ngă tơnap tap. Yua anun Grup K52 kiăng biă mă tơlơi gum djru mơng tơhan hơđăp hăng mơnuih [on sang:

Mơng hlâo truh ră anai, ơi yă ta [u brơi ngă rơngiă h^ tơlang tơleh tơhan djai pơsăn drơi [ơi tơdron blah wang. Truh ră anai, [ing tơhan tơbuh trun hơdôm pluh thun laih, [ing ta kho\m nao e\p glăi. Tơlơi c\ang rơmang prong hloh mơng kâo pô anun le\ [ing tơhan hơđăp kiăng hơdor glăi tong ten, kiăng djru brơi grup hyu klơi tơlang tơleh ba glăi ta` hloh tơdah dưi.

Bruă mă mơng [ing apăn bruă, tơhan Grup K52, Anom bruă git gai ling tơhan tơring c\ar Gialai amăng hơdôm thun blan laih rơgao le\ kiăng hơdor tơngia [ing tơhan khin hơtai kông kơtang, pơdah gru grua mơ`um ia hơdor kơ pô klơi mơng dêh c\ar ta.

Siu Đoan: Pơblang hăng pôr