VOV4.Jarai - Hăng pran jua gum djru yak rơgao bơyan klin kheng, hơdôm anung gơnam mơng hơdôm mơnuih thâo tơngia [ơk brơi kơ mơnuih tơnap tap [ơi plơi prong Đà Lạt, tơring ]ar Lâm Đồng.

Anai le\ sa amăng hơdôm bruă mă tu\ yua mơng plơi prong, djru mơnuih [un rin, mơnuih [u klă drơi jăn; mơnuih s^ ve\ số pơđao kian hloh amăng bơyan klin kheng.

{uh [o# mơng mơguah pioh ]ơkă mă gơnam gum djru, wa Hoàng Thị Huệ [ơi [ut mơnuih [ôn sang Mê Linh, phường 9, plơi prong Đà Lạt lăi pơthâo: Sang ano# `u nao do# pơ\ Lâm Đồng hyu mă bruă ara\ng apah 10 thun hăng anai laih, tơlơi hơd^p mơda mơng dua rơkơi bơnai tha rơma kơnong kơ gơnang kơ hyu du` djah hăng s^ ve\ số.

Rim blan sang ano# apah sang do# rơbêh kơ 1 klăk prăk hăng blơi gơnam [ong huă anun [u hmâo prăk rơbêh lu ôh. Mơng hrơi ngă tui hơdôm bruă ]ơlah đuăi mơnuih mơnam kiăng pơgang, pơgăn klin ruă rơkơi bơnai `u [u ngă hơget pioh hmâo bruă, anun tơlơi hơd^p mơda tơnap tap biă.

“Kâo rơkâo bơni lu biă kơ pran jua khăp păp mơng hơdôm sang bruă, phường hăng hơdôm khul gru\p hmâo djru gum kơ kâo lom tơnap tap anai.”

Mơnuih tơnap tap ]ơkă mă gơnam gum djru

Dong mơng tơdơi kơ Tết tui phiăn juăt, lom klin ruă gluh đ^ bruă wai lăng ]ơđai muai mơng wa Lê Thị Hồng Nguyệt (67 thun) [ơi phường 9, plơi prong Đà Lạt ăt pơdơi jăng jai mơn, anun sang ano# `u kơ[ah [ap.

Kiăng hmâo prăk blơi yua hăng bơwih brơi kơ am^ tha 95 thun, `u khom hyu ]an ling [ơi djop anih.

“Amăng thun kâo hmâo wai lăng ]ơđai muai, ră anai klin ruă ngă gơ`u [u hmâo apah wai lăng ]ơđai muai.

Kâo ră anai do# pơ\ sang lăng am^ kâo, am^ kâo thun anai 95 thun laih. Kâo bơni biă kơ Kơnuk kơna hmâo lăng ba sang ano# kâo.”

Ơi Nguyễn Ngọc Ánh – Khua Jơnum min m[s phường 9, plơi prong Đà Lạt brơi thâo, bruă iâu pơhrui hơdôm ngăn rơnoh pioh pơhlôm bruă hơđong tơlơi hơd^p mơnuih mơnam le\ bruă mă ngă tui na nao mơng phường.

Samơ\ mơng hrơi klin Covid-19 pơphun hmâo, bruă mă anai jai dưi đing nao lu hloh. Lu mơnuih thâo tơngia ăt djru mơn kơ phường amăng bruă anai:

“Lu anung gơnam [ing gơmơi mă yua prăk mơng Keh prăk mơnuih [un rin [ơi plơi pla hăng rơngiao kơ anun pơsur pơtrut hơdôm bôh anom bơwih [ong gum pơ]ruh kiăng djru dong kơ neh wa.

Hăng anung gơnam [ing gơmơi pơpha jing 2 mơta, ]ra\n hlâo rim anung gơnam hmâo noa 1 klăk 500 rơbâo prăk pioh kơ mơnuih tơnap tap [ơi phường. }ra\n anung gơnam tal dua hmâo noa 500 rơbâo prăk.”

Mơnuih apăn bruă, mơnuih mă bruă phường 9, plơi prong Đà Lạt djru mơnuih [u klă drơi jăn ]ơkă mă gơnam tam

Pơgi kơdih anai Jơnum min mơnuih [ôn sang phường 8, rơbêh kơ 100 anung gơnam dưi jao tơl tơngan kơ mơnuih [u klă drơi jăn, mơnuih [un rin hăng leng kơ ngă tui tơpă tơlơi pơkă pơgang, pơgăn klin ruă.

}ơkă mă braih, mì tôm, ia rơmă, ia măm hăng 200 rơbâo prăk mơng [ing thâo tơngiao amai Nguyễn Thị Ngọc, sa ]ô mơnuih [u klă drơi jăn juăt hyu s^ ve\ số, ol kdol pran jua.

“Kâo apăh anih do# sa ]ô kâo. Kâo [u klă drơi jăn mơng muai anun rai pơ\ anai s^ ve\ số. Dưi ]ơkă mă hơdôm anung gơnam anai kâo mơ-ak biă hăng bơni kơ [ing adơi amai hmâo gum djru.”

Tui hăng amai Nguyễn Thị Thanh Tuyền, Sang bruă Việt Farm, rơbêh kơ 300 anung gơnam dưi jao truh tơngan mơnuih tơnap tap le\ pran jua mơng mơnuih apăn bruă, mơnuih mă bruă mơng sang bruă mă mơng sa hrơi prăk blan pioh djru gum.

Hơdôm hrơi pơ\ anăp, ding kơna mơng sang bruă amra gum pơ]ruh dong, djru mơnuih tơnap tap yak rơgao bơyan klin kheng.

“Rơngiao kơ hră ]ih anăn mơ\ Jơnum min mơnuih [ôn sang phường pơdo\ng hăng hmâo hyu tơl rim sang pel e\p lăng kiăng gum djru.

Gah sang bruă amra pha brơi dong hơdôm gơnam rơngiao kơ hră ]ih anăn kah hăng mơnuih [u klă drơi jăn, mơnuih [u hmâo pran jua mă bruă phun amăng bơyan klin kheng anai.”

Bruă ngă klă hiam mơng hơdôm khul gru\p, hơdôm mơnuih hmâo djru dong pran đăo gơnang kơ mơnuih [un rin tơnap tap amăng bơyan klin kheng ngă pioh gơ`u yak rơgao tơlơi tơnap, hrom ha pran hăng đơ đam lo\n ia pơtrut kơdun glăi klin Covid-19./.

Siu H’ Prăk: Pô ]ih pơblang