VOV4.Jarai - {ơi kual C|ư\ Siăng, ruă djơ\ kho\ng, djơ\ đut jing tơlơi hu\i kơtang biă mă hăng neh met wa [ơi hơdôm boh plơi pla.

{ing djơ\ kho\ng, djơ\ đut arăng dơneh biă, [u dưi do\ hro\m hăng mơnuih mơnam ôh. Samơ\ ră anai, yua hơmâo jơlan hơdră djru pơgang tơlơi ruă djơ\ kho\ng tu\ yua, [ing ruă djơ\ kho\ng djơ\ đut mơng hlâo adih dưi hơdip hro\m hăng mơnuih mơnam laih.

Tơring glông C|ư\ Sê, tơring ]ar Gialai le\ sa amăng hơdôm anih ngă klă bruă pơgang glăi tơlơi ruă anai.

Ơi Đinh Gác, djuai ania Bahnar, do\ [ơi plơi Quái, să Bờ Ngoong, tơring glông C|ư\ Sê, Gialai, thun anai rơbêh 80 thun laih.

~u ruă djơ\ kho\ng rơbêh ha mơkrah rơnuk thun laih, laih anun ană plơi dơneh [u jê| giăm ôh amăng hơdôm pluh thun. Tơdơi hrơi lo\n ia rơngai, thun blan arăng [u khin jê| giăm `u abih laih, yua `u hơmâo ơi ia jrao mơng tơring ]ar pơjrao brơi suaih h^.

Khă ăt do\ [uh mơn nam rơka, samơ\ `u hơdip mơ-ak [iă laih, do\ hro\m hăng mơnuih mơnam, do\ bơnai, [ă ană bă.

Truh ră anai, `u ăt hơmâo [ing ơi ia jrao mơng să hăng tơring glông nao c\uă, khăm lăng, brơi jrao mơ`um na nao, yua anun khă mơng thun tha, `u ăt hơmâo pran jua mơn:

‘’Kâo bơni biă kơ ơi ia jrao. Yua hơmâo [ing ơi ia jrao mơn kâo mơng dưi suaih tơlơi ruă, laih anun hơmâo [ing gơ`u nao khăm lăng na nao, brơi jrao gun dong.

Kơnuk kơna ăt hơmâo hơdră djru prăk rim blan, tơlơi hơdip kâo mơng hơdôm thun rơgao hơđong yơh, hiam drơi jăn pran jua hloh. Laih anun c\ang rơmang arăng djru ia jrao lu hloh’’.

Plơi Jri, să Bờ Ngoong, arăng juăt iâu le\ plơi djơ\ kho\ng, djơ\ đut yua amăng plơi hơmâo lu biă mă mơnuih hơmâo tơlơi ruă anai.

Ăt kah hăng lu plơi djơ\ kho\ng pơko\n, hlâo adih plơi pla anai arăng dơneh, [u jê| giăm ôh, ră anai le\ do\ hơdip hro\m yơh yua pơjrao suaih baih.

Rơbêh hơdôm pluh c\ô đah kơmơi tha amăng plơi ăt do\ hơmâo nam ruă kơtang biă, đa đut abih c\ơđeng tơkai, tơngan, luih abih adung, samơ\ yua hơmâo tơlơi gleng nao mơng kơnuk kơna hăng abih bang mơnuih, [ing gơ`u hơdip mơ-ak mơn.

Yă Đinh Hok, do\ [ơi plơi Jri brơi thâo, hơdră djru mơng kơnuk kơna pioh kơ djuai ania [iă, pioh kơ mơnuih [u hiam drơi jăn, mơnuih djơ\ kho\ng, djơ\ đut jing djru ană plơi hơđong tơlơi hơdip:

‘’Kâo djơ\ kho\ng mơng anet, laih anun ruă kơtang biă, giong anun hơmâo ơi ia jrao pơjrao brơi đôc\, huăi rơngiă ha asar prăk ôh.

Truh ră anai, suaih yơh, hơmâo Kơnuk kơna ta djru prăk bơwih [ong dong, [ing gơmơi hơdip hơđong pran jua yơh. Bơni kơ ơi ia jrao, Kơnuk kơna djru ba [ing duăm ruă tui hăng gơmơi anai’’.

Ơi Phạm Đình Liên, Khoa phun Anom ia jrao, să Bờ Ngoong, tơring glông C|ư\ Sê, Gialai brơi thâo, tơlơi ruă djơ\ kho\ng [ơi să hơmâo pơgang, pơjrao suaih abih laih.

Khă hnun, anom ia jrao ăt do\ kơđiăng mơn. {ơi 2 boh plơi djơ\ kho\ng c\i 2 boh să, bruă hyu pơtô pơblang hăng khăm lăng ăt pơphun ngă na nao mơn, kiăng ta` [uh hăng pơjrao ba pô ruă:

‘’{ing gơmơi pơto\p brơi [ing apăn bruă kơđi ]ar amăng plơi kah hăng khoa plơi, tha plơi, pô ngă ia jrao amăng plơi, amăng să thâo kjăp nam ruă juăt [uh mơng tơlơi ruă djơ\ kho\ng kiăng pơgang, pơjrao klă.

{ing gơmơi ăt ngă hro\m hăng anom pơgang tơlơi ruă sat mơng tơring ]ar hăng sang ia jrao Tuy Hoà, rim thun nao khăm brơi ană plơi, kiăng ta` thâo pô hlơi djơ\ kho\ng’’.

Tui hăng ơi Nguyễn Đức Bảy, Kơ-iăng khoa Anom ia jrao tơring glông C|ư\ Sê, Gialai brơi thâo, dong mơng bruă khăm lăng, rim thun [ơi tơring glông [uh hơdôm c\ô ruă djơ\ kho\ng.

Yua thâo kơđiăng kơ tơlơi ruă, ngă bruă klă, yua anun [ing hơmâo tơlơi ruă lêng [uh ta` laih anun pơjrao suaih. Dong mơng anun, mơnuih mơnam huăi hu\i dong tah kơ tơlơi ruă anai, ngă amu` brơi kiăng [ing ruă djơ\ kho\ng mơng hlâo dưi hơdip hro\m hăng mơnuih mơnam:

‘’Hơdôm rơwang thun 80, 90 pơwơ\t glăi pơ anăp, mơnuih djơ\ kho\ng, djơ\ đut arăng [u jê| giăm ôh, arăng juăt ba nao pơ hmua [udah amăng glai hruă hăng hre\ hriăng mơtăm yơh, [u djơ\ tui hăng ră anai ôh, ră anai huăi dong tah.

Dong mơng bruă pơtô pơblang thâo hluh kơ tơlơi ruă djơ\ kho\ng, djơ\ đut thâo pơjrao, [u amu` [ă hyu ôh, yua anun bruă jê| giăm hăng [ing hơmâo tơlơi ruă anai, wơ\t tơdah amăng sang ano\ hai huăi hơmâo tơlơi hu\i hơget ôh’’.

Jơlan hơdră pơgang tơlơi ruă djơ\ kho\ng, djơ\ đut [ơi tơring glông C|ư\ Sê, Gialai hơmâo ngă klă mơng plơi pla mơtăm yơh. Ruă djơ\ kho\ng, djơ\ đut huăi ngă ta hu\i đơi dong tah, laih anun hơdôm boh plơi djơ\ kho\ng ăt jing anih hiam mơn, kiăng arăng nao do\, bơwih [ong huă. {ing c\ơđai [ơi hơdôm boh plơi djơ\ kho\ng hơmâo nao hrăm hră, laih anun dưi bơwih [ong tui hăng abih bang mơnuih mơn.

                                                            Siu H’Mai: Pô c\ih hăng pôr