VOV4.Jarai - Tơdơi kơ 9 hrơi ngă bruă hơdeč hmar, Hà Nội hơmâo tlâ̆o brơi giăm abih bang laih vaccine pơgang Covid-19 kơ ană plơi mơg 18 thun truh kơ ƀing tha. Tơdah hlâo kơ anun, Hà Nội rơngiă lu blan đah mơng dưi tlâ̆o brơi 2 klăk 200 rơbâo čô mơnuih lĕ, amăng tal anai, Hà Nội hơmâo tlâ̆o brơi giăm 3 klăk arăt jrao. Hăng mrô ană mơnuih 5 klăk 750 rơbâo čô mơng 18 thun, Hà Nội hơmâo rơbêh 96% mrô mơnuih hơmâo tlâ̆o ƀiă hloh lĕ 1 arăt vaccine pơgang Covid-19. Ƀơi abih bang anih tlâ̆o lêng hơmâo prăp lui klă kiăng mơnuih ƀon sang nao tlâ̆o, pơhlôm pơgang klin kah hăng rao tơngan hăng ai pơdjai kman, pơkă hyuh drơi jăn. Kiăng pơhlôm djơ̆ hrơi pơkă, djơ̆ hăng tơlơi kơtưn ngă, ƀon prong Hà Nội kiăng abih bang kual plơi pla, anih pơphun tlâ̆o pơphun tlâ̆o 3 wơ̆t amăng ha hrơi.

Siu H’Mai: Pơblang