VOV4.Jarai - Anom bruă kơsem min Hơdjă agaih anih anom klin kheng Dêh čar ta phrâo pơsit brơi 100.000 liêu vaccine AstraZeneca kơ hơdôm anom bruă ƀơi Hà Nội. mrô vaccine anai yua Kơnuk kơna Hungary djru, hơmâo pơkra ƀơi dêh čar Ý. Anom bruă wai lăng hơdjă agaih anih anom klin kheng dêh čar ta brơi thâo, amăng mrô 100.000 liêu anai, Sang ia jrao ruă kơsô̆ Dêh čar hơmâo 10.000 liêu, Sang ia jrao Bạch Mai hơmâo 8.000 liêu, sang ia jrai ƀing čơđai, Sang ia jrao E, Sang ia jrao Hữu nghị rim anih hơmâo mă 6.000 liêu, Sang hră Đại học Y Hà Nội hơmâo mă 5.000 liêu. Anom bruă wai lăng hơdjă agaih anih anom klin kheng hơmâo mă giăm 51.000 liêu či brơi kơ hơdôm kual plơi pla. Tui tơlơi pơsit kah pơpha anai, Anom bruă wai lăng hơdjă agaih klin kheng Dêh čar kiăng hơdôm anom bruă tlâ̆o brơi hlao mơtăm mrô vaccine hơmâo brơi kơ mơnuih ƀon sang ƀơi ƀon prong Hà Nội, pơhlôm mă yua vaccine klă, tlâ̆o brơi djơ̆ pô.

Siu H’Mai: Pơblang