VOV4.Jarai - Hla a`am [ao hơngir (diếp cá) hơmâo ano# pơjrao sa dua mta tơlơi ruă djơh hăng brah kơso#, ruă kơso# brah lan soă joa, duam pu\ o\t, ung thư kơso#, rơka tơ-ôr ako# sang ană, brah tơlang, eh khang đôm, eh drah yoa kơman ngă brah phi\, dôm tơlơi ruă gah boh [leh, brah adung brah tlong tơngia, brah dơi, brah rơkông đo\k [u hlâo hơmâo tơlơi ruă pruăi tha, ruă teng kơbum ia rơnah hăng [ơ [iă tơlơi ruă pơkon. Juăt yoa htuk ia mơ`um [u dah so# dje\t mă ia pioh mơ`um.

      Hơmâo [ơ [iă ano# pơkra ia jrao pioh pơjrao tơlơi ruă mơng hla a`am [oa hơngir:

     Pơjrao brah kơso#: mă 30gam hla a`am [oa hơngir, 15 gam cát cánh, htuk mơ`um ia [u dah so# săn dưm amăng kơ]ok tuh ia hlor kuôr mơ`um.

     Pơjrao ruă mta mriah: A`am hla [ao hơngir 10 po\k, roa gôh so# săn- mă bơnal rơpih agaih [u dah hla pơ-ar rơpih anung hi\ ô\p nao ]i mta, amra suaih mơn.

     Pơjrao eh drah: 20g a`am hla [ao hơngir, 6g tơlo# hơdang phun sơn tra, hơtuk hi\ hăng dưm [iă ia hơni laih anun mơ`um.

     Pơjrao brah yơi: Mă ha ]ơpo\t hla a`am [ao hơngir mơtah, so# săn ô\p nao ]i plat tơngia giam kang, pon hi\ rim hrơi ngă 2 wot.

     Pơjrao đôm eh khang: Mă 5 – 10 po\k hla a`am [ao hơngir hơna krô, tuh nao ia hlor pơđam lui mơng 10 – 12 mơnit, tơdơi kơ anun mơ`um pơala ia che. Amăng hrơi blan pơjrao khom pơdơi yoa ia jrao pơkon , 10 hrơi lơm ha wot pơ jrao.

     Pơjrao ruă tơbiă mơêh: A`am hla [ao hơngir [ong mtah rim hrơi hăng mă hla a`am anai so# săn dưm nao ]i ano# tơdlôh amăng mơ hlun, pon hi\ ngă tui anun rim hrơi 1-2 wot klă biă.

     Dah dlôh amăng mơêh ruă thu thơ mă hla a`am [ao hơngir htuk tơsă tuh amăng thao, truh ia man pơđao ta tram hăng rao gôh kual mơ-êh hăng ia anun, tơdơi kơ anun so# săn dưm nao ]I mơ-êh tơdlôh pon hi\.

     Pơjrao brah htai kơ`i\ phi\ ruă ja]: mă 180g hla [ao hơngir, 30g sik ko# htuk ia mơ`um, rim hrơi sa anung, mơ`um na nao mơng 5-10 anung.

     Pơjrao teng brah mriah: Mă 50-100g hla a`am [ao hơngir rao gôh, so# săn, lơm nao pi\t tep nao ]i teng bơbu\ laih anu pon hi\, tơgu\ mơguah mă hi\, ngă tui anun dua tlâo wot amra suaih mtam.

     Pơjrao dôm tơlơi ruă gah bôh [leh:  Mă 50-100g a`am [ao hơngir, hna kơ`i\, tuh 1000ml ia hlor pơđam lui 30 mơnit tơdơi kơ anun mă mơ`um, rim hrơi 1 anung, pơjrao 3 blan mtam, 2-3 hrơi mơ`um ha wot. 

     Pơjrao duam hơdrăp: 16g hla a`am [ao hơngir, 20g hla hương trà hnư anet, htuk mơ`um. {u dah mă 2 hnư lăi [ơi ngo# jơlit [ling tuh nao ia htuk brơi ku\, tơpe\t jing asar, rim hrơi mơ`um 3 wot, rim mơ`um mơng 3- 4 asar.

     Pơjrao duam đung drah: A`am hla [ao hơngir, : A`am hơngô#t, hla a`am pông dlai rim hnư sa ]ơpo\t htuk kuit mơ`um lu wot amăng hrơi.

     Pơjrao brah tơsao yoa kơđông ia tơsao:  Mă ha ]ơpot phun a`am [ao hơngir krô, bôh tăo mriah 10 asar. Tuh nao ia 600ml, htuk do# 200ml, kah pha 3 wot mơ`um amăng hrơi.

     Pơjrao mơ`ă ruă mơtran: A`am hla [ao hơngir, a`am đe\ đo#, a`am mã đề rim hnư ha ]ơpot, rao gôh, pơrơpao lik djet mă ia along mơ`um lu wot amăng hrơi amra suaih.

       Neh wa ta kơ điang ho\: Kơnong yoa dah ta ataih mơng sang ia jrao đơi [u dah yoa hdai gum hrom ia jrao prang tu\ mơn.

                                                                                               R]om H'Ly: Pô ]ih hăng Pôr