VOV4.Jarai-Kiăng pơtô kơ mơnuih [on sang thâo hluh lu hloh kơ bruă mă pơhlôm pơgang klin Covid 19 amăng ]răn phrâo dơ\ng, hlăk ai Daklak hơmâo lu hơdră ngă rơgơi, djru hrom lu tơhan ngă bruă amăng tơring ]ar hyu pơtô pơblang kơ bruă pơhlôm, pơgang klin kheng.

Dơ\ng mơ\ng rơnu] blan 3 truh ră anai, mơnuih [on sang să Vụ Bổn, tơring glông Krông Pa], tơring ]ar Daklak juăt h^ laih hăng tơlơi pơhing pơtô kơ bruă pơhlôm, pơgang klin Covid 19.

Dua hrơi sa wơ\t mơ\ng3 mông tlam, khul rơdêh hyu pơtô pơblang đ^ rơnang [ơi djop jơlan glông mơ\ng 28 boh plơi pla hăng pôr brơi kơ mơnuih [on sang do\ [ơi djop plơi pla, [ôn [ut hmư\ rơđah.

{ing hlăk ai hyu pơpha hră pơhing phrâo hăng akhăn gôm [o# kơ mơnuih [on sang

Ayong La Văn Giang, Khua git gai hlăk ai mut phung să Vụ Bổn brơi thâo, hlăk ai amăng să ngă hrom khua wai lăng gah gru grua boh thâo-tơlơi pơhing să pơkra hơdră, pơphun ]ih pơkra hră pơtô pơblang, iâu pơthưr, jak anom bruă s^ mơdrô amăng să gum hrom pơphun bruă hyu pơtô pơblang [ơi djop plơi pla.

Hrom hăng anun, să Vụ Bổn ăt kơtưn kơ bruă pôr jua pơhiăp hăng 10 boh  mikrô pôr na nao amăng hơdôm mông pơkă: Mơguah, tlam hăng mơmo\t, pôr pơthâo tơlơi pơhing ăt kah hăng tơlơi git gai mơ\ng djop gưl pơtrun hiăp kơ bruă pơhlôm pơgang klin Covid 19.

Dưm mikrô pôr [ơi sang s^ mơdrô lu, anih plơi pla pơtum lu mơnuih [on sang hyu [ơk hră tơlơi pơhing brơi mơnuih [on sang pơđok kiăng thâo hluh kơ bruă pơhlôm, pơgang klin.

Tui hăng ayong La Văn Giang, ră anai, đơ đam dêh ]ar ta mut nao amăng yak phrâo pơhlôm, pơgang klin, samơ\ kiăng kơ rơbêh 20 rơbâo ]ô mơnuih [on sang [ơi djop plơi pla thâo hluh hăng ngă tui klă hơdră pơgang klin, grup hyu pơtô pơblang ăt hyu pôr na nao, tăp năng pơpha lu grup anet nao tơl sang phyiang tơl adring pơtô lăi hăng djru mơnuih [on sang tơnap tap.

Djru kơ mơnuih [on sang pơhaih  bruă ia jrao [ơi sang ano\ hăng măi telephôn rơgơi

‘’Amăng hrơi blan pơhlôm, pơgang klin [ơi plơi pla, khua mua git gai bruă pơtô pơblang đuăi hyu pôr hăng pơtô pơ djop plơi pla amăng să.

Jak iâu sang bruă s^ mơdrô [ơi să djru rơdêh, păng bơnal ]ih pơthâo tơlơi pơhing panô, mikrô pôr jua pơhiăp kiăng pơtô pơblang kơ mơnuih [on sang pơđing hmư\.

Gơmơi ngă hrom kông an să, tơhan să, khua wai lăng djop djuai ania mơnuih mơnam să hăng djop khul grup hyu pơtô pơblang hăng [ơk hră tơlơi pơhing laih anun akhăn gôm [o# kơ mơnuih [on sang [ơi sang s^ mơdrô, kual lu mơnuih [on sang do\, laih anun pơtă pơtăn kơ mơnuih [on sang khom ngă tui tơlơi pơtrun brơi gôm [o# sit nao pơ anih lu mơnuih.

Pơtô pơblang, jak iâu [ing tơdăm dra mut phung hlăk ai hăng mơnuih [on sang ]ih anăn pơhaih bruă ia jrao mơ\ng drơi jăn pô tui hăng boh thâo tơlơi pơhing amăng plang internet anăn NcoVI’’.

Mă yua mikrô hyu pôr hrom hăng bruă hyu [ơk akhăn gôm [o#

Bơ [ơi să Êa Knuê], tơring glông Krông Pa], [ing tơdăm dra mut phung hơmâo pơpha lu grup dơ\ng mơ\ng 2-3 ]ô mơnuih, nao tơl r^m sang [udah pơ sang ]ơ, anih jơlan tơkuh tlâo, tơkuh pă pioh pôr kơ mơnuih [on sang thâo tơlơi bơblih mơ\ng klin kheng Covid 19 laih anun hơdră pơhlôm pơgang klin anai amăng kual plơi pla; pơtă pơtăn mơnuih [on sang gôm [o# djơ\ hơdră.

Hrom hăng anun, khul hlăk ai mut phung să do\ hơmâo hơdră djru pơtô mơnuih [on sang ]ih anăn pơhaih tơlơi pơhing drơi jăn pô amăng plang internet.

Amai Nguyễn Cẩm Loan, Khua hlăk ai să Êa Knuê] lăi, yua kơ să anai prong, lu djuai ania mơnuih mơnam, lu mơta tơlơi đăo, anun yơh khom nao tơl sang pơtô lăi klă hloh. Boh nik `u pơtum lu tơhan ngă bruă mơ\ng [ing hlăk ai [ơi să djru hrom anun gêh gal hloh pơtô lăi kơ mơnuih [on sang.

‘’Pơtô pơblang hăng lu hơdră, hăng hră anet ]ih tơlơi pơhing [udah pơtô pôr amăng plang internet pơtruh tơlơi mơ\ng ataih.

Kâo [uh lu tơdăm dra hlăk ai prăp lui kơ pô gơ`u mă yua plang internet 4G, 3G pioh e\p tơlơi pơhing, truh pơ sang ano\ mơnuih [on sang pơtô brơi hơdră mă yua plang internet pơhaih tơlơi suaih pral kơ bruă ia jrao.

Yua kơ anun, kâo ăt ]ih pơkra sa bơnah plang internet kâo pô, anun le\ pơhaih tơlơi suaih pral kơ bruă ia jrao, laih anun pơpha gru kơ hlăk ai hla tui pơhaih mă pô phara, djru mơnuih [on sang ăt pơhaih hrom mơ\n, gơmơi amra mut nao amăng bơnah anun gêh gal biă mă.

Amăng sa mơguah dưi ngă giong brơi 100 ]ô mơnuih mơ\ng sa ]ô hlăk ai ngă brơi, tui anun gơmơi djru brơi lu mơnuih pơhaih bruă ia jrao’’.

Hơdôm khul rơdêh păng bơnal panô, hla gru  hyu pôr pơthâo

Tui hăng ayong Nguyễn Văn Hà, Khua git gai hlăk ai mut phung tơring glông Krông Pa]ư, tơring ]ả Daklak, ră anai, bruă hyu pơtô pơblang pơhlôm pơgang klin Covid 19 yak amăng ]răn phrâo laih.

Yua kơ anun, hrom hăng bruă mă dơ\ng mơ\ng djop gưl anom bruă hlăk ai tơdăm dra mut phung, djop anom bruă hlăk ai pơ să, plơi pla hơmâo bruă mă djơ\ lăp hăng plơi pla anih do\ kiăng pơtô lăi mơnuih [on sang thâo hluh pơgang klin.

Amăng anun, [ing hlăk ai mut phung jing phun amăng bruă hyu pơtô lăi. Tơ tă anai, anom bruă hlăk ai tơring glông hơmâo jak iâu djop sang bruă, anom bruă kơnuk kơna, sang ano\ s^ mơdrô, [ing mơnuih hơmâo pran jua ]ơmah laih anun mơnuih mơ\ng tơring ]ar pơko\n djru hrom [ing hlăk ai, gum bal u sang ano\ tơnap tap yua bơbe] sat mơ\ng klin Covid 19 ngă.

‘’Blung hlâo hloh le\ khom pơđ^ tui tơlơi kơđiăng glăm ba mơ\ng [ing mơnuih apăn bruă tơdăm dra mut phung pơ dlông pơtrun, khom ba jơlan hlâo amăng bruă mă pơhlôm, pơgang klin Covid 19.

Anom bruă hlăk ai tơring glông ăt ngă ưklă bruă pơtruh nao rai hăng djop sang bruă, anom bruă, mơnuih mơnam, djru ba prăk kăk, dram gơnam pioh pơphun bruă hyu pơtô pơblang.

Pơphun jing lu khul, lu grup hyu ]uă djop sang bruă [ơk akhăn gôm amăng bah hăng ia jrao rao tơngan pơdjai kman, laih dơ\ng brơi gơnam pơtrut pran jua [ing nai ia jrao, mơnuih do\ mă bruă pơhlôm, pơgang klin.

Git gai khul wai lăng tơdăm dra, ]ơđai muai sang hră mut phung amăng tơring glông pơtô lăi [ing ]ơđai muai, tơdăm dra ngek pơplông ]ih tơlơi pơmin gơ`u [uh amăng bruă pơhlôm, pơgang klin Covid 19’’.

Khă tơring ]ar amăng khul tơring ]ar hu\i rơhyưt [iă samơ\ tui hăng khua mua tơring ]ar Daklak, jing tơring ]ar prong rơhaih, mrô mơnuih lu, hơmâo jơlan rơdêh por nao rai, jơlan rơdêh [ơi lo\n nao pơ djop tơring ]ar pơko\n amăng dêh ]ar, anun yơh tơlơi hu\i kơ [ă kman ăt kơtang.

Yua kơ anun, bruă pơhlôm, pơgang klin Covid 19 tơring ]ar Daklak ăt khom gleng nao kjăp, tong ten.

Hrom hăng anun, bruă mă djru mơnuih [on sang tơnap tap bơbe] djơ\ mơ\ng klin kheng, [ing tơdăm dra hlăk ai [ơi 15 boh tơring glông, plơi prong amăng tơring ]ar ăt jing [ing tơhan ngă bruă phun hyu pơtô pơblang phun, djru mơnuih [on sang pơhaih anăn kơ bruă ia jrao, tui bơnah plang internet laih anun pơke\ lăng plang tơlơi pơhing klin Covid 19 mơ\ng anih tơlơi pơhing phun pôr pơthâo.

Nay Jek: Pơblang hăng pôr