VOV4.Jarai - Mă yua 6 mơta tơlơi Wa Hồ pơtô Kông ang mơnuih [ôn sang, hlăk ai kông ang tơring ]ar Daklak hmâo laih lu bruă mă rơđah rơđông sit nik amăng rim bruă.

Mơng anun, djru pơdo\ng, ngă klă hiam dong gru ru\p hlăk ai “Kông ang mơnuih [ôn sang mơnuih [ôn sang yua kơ lo\n ia wor bit drơi pô, yua kơ mơnuih [ôn sang mă bruă”.

Bok bol hrom hăng [ing go\p du\ pơgiăng hơdôm gơnam tam dưi hmâo anung glăi kơđiăng nao pơ\ hơdôm anih pơ[u\t hơbit, Đại uý Nguyễn Ngọc Thắng, Kơ-iăng Khua git gai Khul hlăk ai Kông ang tơring ]ar Daklak Brơi thâo, mrô gơnam brơi anai kiăng pioh [ơk brơi kơ hơdôm bôh sang ano# mơnuih tha rơma, drit druai, hmâo tơlơi hơd^p mơda tơnap tap [ơi plơi prong {uôn Ama Thuo#t bơbe] djơ\ yua kơ klin Covid-19.

Hơdôm anung gơnam anai yua kơ ayong Thắng hmâo pơtrut pơsur [ing thâo tơngia kiăng gum tơngan hrom djru hơdôm [ing tha rơma tơnap tap.

Hăng bruă apăn Kơ-iăng Khua git gai Khul hlăk ai, Đại uý Nguyễn Ngọc Thắng gum hrom klă hơdôm bruă gum djru yua kơ mơnuih mơnam.

~u juăt hyu ]uă pơtrut pơsur [ing go\p glăk mă bruă ngă kơja\p, pơtrut pơsur ngăn rơnoh hyu ]uă tơ`a bla [ơk brơi gơnam tam kơ hơdôm bôh sang ano# tơnap tap,…

Amăng lu thun rơgao `u ăt le\ gru ba jơlan hlâo pơphô brơi pơphun lu jơlan hơdră bruă kơđi ]ar kơ khul hlăk ai kông ang hăng hơdôm bruă djru neh wa kual ayuh hyiăng [u klă ngă [ơi tơring glông {uôn Đôn, Ea Sup. Đại uý Nguyễn Ngọc Thắng lăi pơthâo:

“Kâo lăng djơ\ biă 6 mơta tơlơi Wa Hồ pơtô, yua kơ `u mă yua amăng rim bruă. Kâo mă yua lu biă, mơng bruă hrăm tui, hyu mă bruă, mă bruă truh kơ tơlơi hơd^p mơda hăng hơdôm bruă hyu gum djru anăp nao plơi pla, kâo leng kơ mă yua tơlơi pơmin mơng Wa Hồ kiăng ngă hiưm hơpă djru pơgo#p pran jua anet aneo mơng pô kơ bruă hrom, yua kơ tơlơi hơd^p mơda hơđong hăng yâu mơ-ak mơng mơnuih [ôn sang”.

Đại uý Nguyễn Ngọc Thắng tơ`a bla mơnuih tha rơma [u hmâo anih gơnang

Bơ\ hăng trung uý Hà Tuấn Anh, Anom tơhan polis pel e\p [ing ngă soh gah ma tuý (hot jrao), Kông ang tơring ]ar Daklak, lom hyu mă bruă khom bo\ng glăi hăng lu tơlơi ngă pơhư\] hăng hu^ rơhyư\t.

Hăng hơdôm [ing hmâo tơlơi pơmin ngă sat, [u thâo hu^ kơ hlơi, lom pel e\p, hyu hơduah tơ`a, [ing kông ang khom thâo hăng gir run.

Hăng pran jua ba jơlan hlâo, amăng 3 thun rơgao, trung uý Hà Tuấn Anh hmâo gum hrom hăng anom bruă, mă pơko\ng hmâo 26 mơta, 32 ]ô mơnuih ngă soh gah hot jrao; [ơi anăp pơdo\ng kơ]a\o bruă hyu hơduah e\p 4 mơta tơlơi kơđi prong, mă pơko\ng mơnuih mơng tơring ]ar pơkon du\ pơgiăng hot jrao hăng mrô `u lu mut amăng tơring ]ar Daklak pioh blơi s^ ]a ]ot.

Hrom hăng anun, hăng bruă mă git gai Khul hlăk ai, ayong Tuấn Anh ăt gum hrom mơn lu bruă mă yua kơ Khul gưl dlông pơphun, pơphô pơphun pok anih hrăm “Hrăm ngă tơhan kông ang”, [ơi anăp pơtô brơi bruă pơgang pơgăn hot jrao [ơi sang hră kơ ]ơđai sang hră. Trung uý Hà Tuấn Anh lăi:

“Rơgao kơ hơdôm tơlơi Wa Hồ pơtô kâo [uh rơđah bruă gơgrong mơng pô amăng bruă pơgang pơgăn [ing ngă soh kiăng djru djă pioh hơđong pơhlôm amăng mơnuih mơnam. Bruă hơget hmâo yua kơ mơnuih [ôn sang le\ khut khăt [ing ta khom ngă giong klă.

Rơngiao kơ bruă mă phun le\ pel e\p pơtô brơi bruă pơsir kơđi tơlơi le\ drơi pô ăt tu\ mă na nao mơn tơlơi pơhing kơ hơdôm tơlơi ngă soh phrâo, pơdo\ng hơdôm tơlơi lăi pơhing kiăng gum hrom hăng hơdôm bôh anom gơyut lăi pơhing, djru mơnuih [ôn sang thâo hluh hloh kơ ano# sat mơng hot jrao hăng bruă gơgrong mơng gơ`u amăng bruă pơgang pơgăn hot jrao”.

Kông ang gum hrom do# gak [ơi hơdôm anih pơgăn klin

Bruă mă [ơi Anom wai lăng bruă nao rai pơ\ dêh ]ar ta] rơngiao, Trung uý Trịnh Thị Ngọc Trinh djă pioh na nao tơlơi ta#o klă, abih pran jua, ngă tui djơ\ bruă gơgrong.

Drơi pô `u ăt djă pioh mơn, mă yua bôh thâo phrâo măi mok amăng bruă mă kiăng ngă [ia\ h^ hrơi mông, pơđ^ tui ano# klă hăng bôh tu\ yua bruă mă.

Sa wot lom do# mă bruă, lom kâo du` kơdung mơng mơnuih nao rai wor bit (amăng lăm hmâo 50 klăk prăk), amai Trinh hmâo lăi pơthâo glăi laih kơ gưl dlông hăng tla glăi kơ pô rơngiă. Trung uý Trịnh Thị Ngọc Trinh brơi thâo:

“Lom hrăm tui hăng pơhra\m drơi pô [ơi sang hră le\, hơdôm tơlơi pơtô mơng Wa Hồ hmâo mut laih amăng pran jua kâo.

Kâo gir run na nao pơhra\m hăng hrưn đ^ rim hrơi, pơhra\m brơi pran jua klă, pơđ^ tui bôh thâo bruă mă, pran jua bơwih brơi kơ mơnuih [ôn sang tơnap tap.

Drơi pô kâo pơsit dong jơlan gah pơhra\m pô hăng hrưn đ^, pơdo\ng kơnuih mơnuih mă bruă kông ang mơnuih [ôn sang thâo gơgrong, djơ\ hăng pran jua ană mơnuih, yua kơ mơnuih [ôn sang bơwih brơi, ngă tui kơ]a\o bruă pơhra\m hăng gir run mơng anom”.

Hlăk ai kông ang Daklak anăp nao khul mơnuih gum tơngan hrom pơgang, pơgăn klin ruă

Thâo rơđah kơ tơlơi pơtô mơng Wa Hồ, hlăk ai Kông ang Daklak hmâo hăng glăk mă yua amăng tơlơi hơd^p mơda hăng hơdôm bruă mă rơđah rơđông lom mă bruă, hrăm bruă. Mơng anun, ngă tui dong phiăn gru grua ư-ang, [u wor bit hơdôm tơlơi Wa Hồ pơtă pơtăn, run abih pran jua bơwih kơ lo\n ia, yua kơ tơlơi hơđong mơng mơnuih [ôn sang./.

Siu H’ Prăk: Pô pơblang