VOV4.Jarai-Bruă mă mơ\ng [ing ngă  tơhan `u phara, gơ`u pơkơdong glăi hăng lu tơlơi soh sat [ơi anăp mơta, anih hu\i rơhyưt gah bruă kơđi ]ar, hơdôm [ing adơi amai ngă khua mua, ling tơhan kông an tơring ]ar Gia Lai hơmâo pơdah rơđah pran jua, kơnuih sa ]ô tơhan kông an, laih dơ\ng pơsir tơlơi tơnap tap kiăng ngă giong bruă mă, pơgang tơlơi rơnuk rơnua kơ mơnuih [ôn sang.

Tơlơi lăp hơdor biă mă mơ\ng lu mơnuih lăng nao bruă mă Thượng tá Y Mai Anh, thun tơkeng 1972, khua tơhan kông ang tơring glông Mang Yang, tơring ]ar Gia Lai, je\ giăm hăng mơnuih [ôn sang biă mă.

Sa ]ô đah kơmơi hiam bơnai, hơdip hiam klă, tơpă hnong laih anun kơtang, kjăp kah hăng [ing đah rơkơi mơ\n.

Thượng tá Y Mai Anh do\ ber rơnu] gah hnuă gir run pơtô lăi brơi lui abih tơlơi đăo soh Hà Mòn [ơi tơring glông Mang Yang, Gia Lai

Tui hăng Thượng tá Y Mai Anh, anun le\ boh tơhnal mơ\ng 26 thun laih rơgao mă bruă gah tơhan kông an, bruă `u ngă khă tơnap tap samơ\ ăt khom ngă giong tui hăng pran jua prăp lui na nao blah ngă, kah hăng anih tơhan kông an e\p kơđi tơlơi soh sat, anih tơhan pơlih hyu  e\p jrao ma túy, khom pơto\p hrăm kjăp pran jua, tơlơi pơmin, truh kơ drơi jăn pô dưi bong glăi hăng tơlơi soh sat, khin hơtai, [rưh hmiah, laih ăt gir hrăm ngă hiam tơlơi khăp pap, tơlơi pơmin rơgơi kiăng bơblih pran jua [ing soh anăp nao kơ tơlơi hiam, ngă kjăp pran jua đăo kơnang mơ\ng mơnuih [ôn sang, dưi hơmâo mơnuih [ôn sang, ană plơi pla đăo kơnang hăng djru hrom.

26 thun mă bruă, amai Y Mai Anh, [u kơnong ngă hrom hơduah e\p hơdôm rơtuh tơlơi soh sat, pơgăn [ing s^ mơdrô ma túy mơ\ng djop tơring ]ar, laih anun triăng đuăi hyu ]uă jơmư trư găn, mut hrom amăng djop plơi pla ala [ôn mơnuih djuai [iă pô, pơtô lăi hăng brơi lui h^ tui [ing đăo soh Hà Mòn.

Giăm anai hloh, `u ngă hrom hyu mă [ing soh sat pơtô lăi, ngă rung răng yua [ing tui đăo soh Hà Mòn tal rơnu] [ơi Mang Yang lơ\m blan 3/2020; 1 blan tơdơi kơ anun, ăt kiăo mă 49 ]ô mơnuih ngă wăn [ai [ơi să Hơra.

Thướng tá Y Mai Anh do\ ber tong krah

Hăng tơlơi gir run [u pơdơi ôh amăng bruă mă laih anun hơdôm bruă mă tu\ yua, Thượng tá Y Mai Anh hơmâo tu\ mă lu pok hră bơni, pơpu\ anăn pơplông.

Thun anai, `u yơh mơnuih ba gru hlâo mơ\ng tơhan kông an tơring ]ar Gia Lai nao jơnum hrom pơkơtưn ‘’Yua tơlơi rơnuk rơnua Lo\n ia’’ mơ\ng tơhan kông an pơphun.

Sa ]ô đah kơmơi hrơi, hyu ngă bruă dong [ơi anăp tơlơi hu\i rơhyưt hăng thong đao, phao kơtuang hu\i biă mă djơ\ truh kơ tơlơi hơdip mơda, samơ\ amai Y Mai Anh ăt pơ-ư pơ-ang hăng bruă mă mơ\ng `u ruah mă laih.

‘’Pơmin amu` ame\ đô] le\, lơ\m buh sum ao tơhan kông ang, jing mơnuih pơgang tơlơi phiăn dêh ]ar, jing mơnuih djru bruă tong ten kơ ping gah, pơgang tơlơi rơnuk rơnua kơ ană plơi, anun le\ bruă mă mơak pran jua, sa tơlơi hok prong;

 mă 6 mơta tơlơi wa Hồ pơtô kơ tơhan kông an ngă jơlan pơtrun, bruă ngă kơ tơhan kông an; mă tơlơi pơtrun mơ\ng khua tơhan kông an pioh bơwih brơi tơlơi mơak kơ ană plơi laih anun ngă klă jơlan hơdră, tơlơi pơtrun mơ\ng ping gah hăng kơnuk kơna ngă tơhnal pơkă kơtưn blah ngă’’.

Kah hăng sa ]ơnuh bơnga hồng khăng kah hăng kwăt tơhan kông an Gia Lai, amai Lương Thị Thu Quỳnh, thun tơkeng 1976, ră anai ăt Thượng tá, Khua anih tơhan pơlih Jơlan glông tơring ]ar Gia Lai.

Thượng tá Lương Thị Thu Quỳnh, Khua anom tơhan pơlih Jơlan glông

gah Kông an tơring ]ar Gia Lai

Thun 1998, `u le\ sa amăng hơdôm dra hiam pơ sang hră gưl prong Đại học Cảnh sát Nhân dân II, laih hrăm giong, glăi mă bruă pơ anih tơhan pơlih e\p tơlơi soh, ră anai anih tơhan pơlih e\p tơlơi soh sat Hình Sự, kông an tơring ]ar Gia Lai.

13 thun na nao mơtam ngă tơhan pơlih hơduah e\p tơlơi soh, amai Quỳnh hrom hăng go\p `u hơmâo pơsir hơdôm rơtuh tơlơi soh sat.

Amăng anun, sa bruă mă ngă kơ `u hơdor na nao le\ kơđi Mai Quý Thọ hrom gơyut `u hyu plư arăng 200 klai prăk mơ\ng hơdôm rơtuh boh sang ano\ s^ mơdrô hăng mơnuih [ôn sang amăng tơring ]ar.

Kơđi anai tơnap tap biă mă, yua lu mơnuih ngă soh amăng grup ngă soh anun đuăi kơdo\p, amai Lương Thị Thu Quỳnh khom lui bruă pưk sang đang hmua, lui ană do\ anet pơ sang hăng ơi yă gơ\, `u nao hrom [ing go\p, truh pơ lu tơring ]ar amăng dêh ]ar, tăp năng nao truh pơ dêh ]ar Kur e\p mă [ing soh sat, ba glăi jao kơ anom bruă phat kơđi bơtơhmal [ing soh.

 Găn rơgao hăng lu tơlơi, lu bruă mă, dơ\ng mơ\ng sa ]ô tơhan hơduah e\p tơlơi soh truh kơ ngă Kơ-iăng Khua kông an tơring glông }ư\ Sê, Khua anih tơhan pơlih jơlan glông kông an tơring ]ar Gia Lai, bruă hơge\t arăng jao `u lêng kơ ngă giong tu\ yua soh, lu wơ\t hơmâo Ding jum kông an [ơk hră bơni.

Thượng tá Lương Thị Thu Quỳnh do\ dong [ơi tong krah amăng sa wơ\t pơtô pơblang tơlơi phiăn jơlan glông pơ kual ataih kual mơnuih djuai [iă do\

Amai Quỳnh lăi, sa ]ô kông an, đah kơmơi sit mơ\n lu tơlơi tơnap tap amăng bruă mă, samơ\ tơlơi anun [u ngă kơ `u kơdun ôh ngă giong bruă jao.

‘’Ano\ yang brơi kơ đah kơmơi le\ ngă am^, samơ\ lơ\m mă bruă khom ngă kah hăng [ing đah rơkơi mơ\n, apăn abih bruă anai, ăt gui ba bruă pơko\n [u kah pơpha ôh, yua tơlơi anun le\ bruă mă, tơlơi thâo ia rơgơi khom ngă.

Kiăng dưi ngă giong bruă jao, đah rơkơi kơnong gir run sa bruă, đah kơmơi khom dua bruă kah dưi.

Khua mua ping gah, khua amom bruă tơhan kông an tơring glông gleng nao biă mă, ngă gêh gal kơ adơi amai tơhan kông an đah kơmơi amăng tơring ]ar hăng [ing khua mua le\ đah kơmơi ăt gir run abih pran jua mă bruă amăng djop bruă jao’’.

Trung tá Nguyễn Thị Ngọc Thúy Kơ-iăng Khua Khul đah kơmơi mut phung tơhan kông an tơring ]ar Gia Lai brơi thâo, yua bruă ngă phara biă mă, anun yơh mrô đah kơmơi mă bruă amăng anih gơ`u [iă hloh kơ đah rơkơi.

Đah kơmơi le\, khom ngă bruă sang ano\ hăng [ă ană, anun gun biă kơ bruă mă, samơ\ [ing adơi amai đah kơmơi thâo rơgơi amăng bruă mă, anun lu adơi amai ngă giong bruă jao.

Lu adơi amai, dưi hơmâo khua mua tơring ]ar jao bruă mă, ngă khua anih, anom tơhan hyu sem lăng, e\p kơđi tơlơi soh, hơduah tơ`a [ing soh sat kah hăng hot jrao ma túy, tơlơi soh sat pơko\n; truh kơ bruă jao ngă khua kông an tơring glông, plơi prong.

Mơ\ng thun 2015 truh ră anai, hơmâo rơbêh 450 ]ô adơi amai ngă khua tơhan kông an, ngă bruă tu\ yua biă mă, 97% mrô đah kơmơi ngă kông an Gia Lai mut ping gah. Trung tá Nguyễn Thị Ngọc Thúy brơi thâo:

‘’Ngă bruă hơge\t hai, [ing adơi amai lêng kơ ngă abih pran jua pô, pơdah rai tơlơi khin hơtai sa ]ô tơhan kông an tơpă, khut khăt glăm ba, tu\ yua amăng bruă mă.

Yua mơ\ng boh tơhnal anun yơh r^m thun 75% mrô adơi amai lêng kơ hơmâo mă hră bơnah mă bruă rơgơi soh, rơbêh 8% yăp anăn bơni tơhan pơplông tu\ yua.

Lu tơlơi apah bơni mơ\ng Khua dêh ]ar, Ding jum kông an, Jơnum min mơnuih [ôn sang tơring ]ar, hră bơni mơ\ng Khua tơhan kông an tơring ]ar Gia Lai kiăng pơdah rai bruă ]ih pioh boh tu\ yua bruă mă mơ\ng [ing adơi amai ngă kông an hơmâo ngă laih’’.

Hăng pran jua khin hơtai, bruă mă khut khăt mơ\ng tơhan kông an, [ing khua mua, tơhan kông an Gia Lai găn rơgao tơlơi tơnap tap mơ\ng đah kơmơi hrơi, kjăp pran jua, kơtưn gir amăng bruă mă, djru hrom abih bang tơhan kông an pơgang  tơlơi rơnuk rơnua [ơi plơi pla ala [ôn amăng tơring ]ar.

      Nguyễn Thảo pô ]ih-Nay Jek pơblang