VOV4.Jarai - Hăng neh wa [ơi djop plơi pla djuai ania K’ho pơ\ tơring ]ar Lâm Đồng, tha plơi [u dưi kơ[ah ôh.

                                             

Tha plơi ăt le\ pô tô nao rai kơplah wah gong gai plơi pla hăng mơnuih [ôn sang, yua kơ gơ`u le\ mơnuih ngă gru hlâo amăng djop bruă mơng tơlơi hơd^p mơda.

 

{ing gơmơi rơkâo lăi pơthâo sa dua ]ô tha plơi mơbruă amăng bruă ngă đang hmua, ăt kah hăng ba jơlan hlâo amăng bruă pơsur mơnuih [ôn sang lom lui phiăn juăt [u tu\ yua, pơsit jơlan gah kơ neh wa sa tơlơi hơd^p mơda pơplih phrâo hloh.

           

Nao ]uă sang ano# tha plơi Dơng Gur Ha Long (75 thun) do# [ơi plơi Dà Mpao, să Dà Dờng, tơring glông Lâm Hà, tơring ]ar Lâm Đồng, tơlơi [uh lăp djă pioh blung a le\ bruă dưm dăp, pơhro#p amăng sang do# rơguăt biă. Gru ru\p Wa Hồ dưi dưm [ơi anih dlông hloh [ơi anih tu\ jum tuai.

 

Jum dar le\ hơdôm hră bơni hăng ru\p sang ano# dưi dưm dăp hiam mơta lăng biă. {ơi dlông kơtu búp-phê đưm dưm [ơi krah anih tu\ jum tuai le\ hmâo sa bôh radio lăng juăt biă.

 

Tha plơi Dơng Gur Ha Long ră ruai: Radio le\ pô je# giăm dong mơng sui, biă `u lom hmâo jơlan hơdră pơtui jua pơhiăp hăng tơlơi djuai ania K’ho [ơi gong phun jua pơhiăp dêh ]ar Việt Nam.

           

“Kâo le\ tha plơi pơ ala kơ neh wa amăng plơi pla. Tui hăng tơlơi pơtô ba mơng Ping gah hăng Kơnuk kơna le\ kâo khom ngă gru hlâo tơdơi kơ anun lăi pơthâo glăi kơ neh wa.

 

Bơhmutu `u, khom pơplih hơdră bơwih [ong huă kiăng pơplih phrâo tơlơi hơd^p mơda, pơtô lăi ană bă hrăm hră kiăng tơlơi hơd^p mơda jai hrơi jai klă hloh.

 

Abih bang hơdôm tơlơi Ping gah, Kơnuk kơna pơtô pơtă le\ ta khom hmư\ hăng ngă tui. Gơnang kơ anun ră anai plơi pla jai hrơi jai pơđ^ kyar hăng hơđong.”

           

Giăm hmâo 90 thun laih, tha plơi K’Đor do# [ơi anih Bàp N’hanh, pơ\ plơi Lăng Kú, să Gung Ré, tơring glông Di Linh, tơring ]ar Lâm Đồng le\ gru rơđah pioh neh wa hrăm tui.

 

~u pơtă pơtăn kơ ană tơ]ô amăng sang ano# pô khom gir run drơi pô, [u dưi ah gơnang kơ ara\ng lu đơi ôh, khom thâo hrưn đ^ amăng tơlơi hơd^p mơda. Truh ră anai, tơlơi bơwih [ong sang ano# tha plơi K’Đor pơđ^ kyar biă amăng plơi anai.

 

~u amra djru kơ neh wa amăng plơi lom gơ`u bưp tơlơi tơnap hăng gum hrom hơbit khăp kiăng djru gum nao rai tơdruă.

           

“Ping gah, Kơnuk kơna brơi ]an prăk, brơi kơbao, brơi rơmô, [udah djru tui jơlan hơdră 135, 127 samơ\ kâo [u hmâo tu\ mă ôh. Kâo kiăng drơi pô gơgrong, khom ngă gru hlâo brơi kơ neh wa.

 

Kâo kơnong kơ kiăng hmâo tơlơi suaih pral, kâo amra gơgrong hrưn đ^. Bơ\ neh wa amăng plơi leng kơ dưi pơpha dưm kơnar, hlơi hlơi leng kơ ]ơkă mă tơlơi gum djru mơng Ping gah, Kơnuk kơna.”

           

Plơi R’Chai 1, să Phú Hội, tơring glông Đức Trọng, tơring ]ar Lâm Đồng le\ anih hmâo lu neh wa djuai ania [ia\ tui đăo.

 

Tha plơi hmâo pơdah laih tơlơi đăo gơnang mơng pô lom gum hrom hăng [ing apăn bruă đăo kiăng pơsur neh wa ngă tui hơdôm hơdră pơtrun, hơdră bruă mơng Ping gah hăng Kơnuk kơna.

 

Biă `u, lom Khua git gai Ping gah [ơi anai dưi hmâo neh wa pơ pu\ ngă tha plơi, kah hăng ơi Ha Bang, Khua git gai Ping gah ngă rah tha plơi R’Chai 1.

           

“{ing gơmơi pơtrut pơsur [ing wai lăng, pơtô khul đăo, neh wa tui đăo khom mă bruă, jơnum djơ\ tui tơlơi phiăn kơnuk kơna pơkă; ngă tui klă jơlan gah hơd^p klă đăo hiam. Neh wa gum hrom sa jua , mut hrom, djru nao rai tơdruă lom djuh djuăm duam ruă, hmâo tơlơi truh, gum hrom bơwih [ong huă.

 

Tơlơi hơd^p mơda bơwih [ong mơng neh wa hmâo jơlan gah jai hrơi jai đ^ kyar. {ing gơmơi dưi hmâo tơlơi đăo gơnang mơng neh wa hăng amra lăi pơhing dong pơtrut pơsur neh wa hmư\ tui Ping gah, Kơnuk kơna kiăng tơlơi hơd^p mơda jai hrơi jai klă hloh.”

           

{ơi kual ataih, asuek gah tơring glông Dam Rông, tơring ]ar Lâm Đồng, mơnuih djuai ania [ia\ gah să Phi Liêng juăt phă dlai ngă đang hmua, tơlơi hơd^p mơda [u hơđong, hrơi anai pơ\ anai hrơi pơgi pơ\ adih.

 

Thâo hluh kơ tơlơi tơnap mơng neh wa, tha plơi K’Báng [ơi plơi Bó Blé hmâo gơgrong hlâo gum hrom hăng hơdôm gưl gong gai plơi pla lăi pơhing, pơsur neh wa anăm phă dlai ngă đang hmua, khom do# plơi pla ngă đang hmua hơđong, pla djop mơta phun pla. Tha plơi K’Báng brơi thâo, truh ră anai, tơlơi pơmin mơng neh wa hmâo pơplih rơđah laih.

           

“{ing gơmơi le\ tha plơi juăt lăi pơhing kơ neh wa le\ ră anai [u dưi phă dlai ngă đang hmua ôh. Hlâo adih neh wa juăt phă dlai ngă đang hmua biă, tơlơi hơd^p mơda [u hơđong, hrơi anai pơ\ anai, hrơi pơgi pơ\ adih, kơnong kơ ngă hmua pơdai sa bơyan sa thun.

 

Samơ\ ră anai Ping gah, Kơnuk kơna brơi do# plơi pla hơđong, ngă đang hmua hơđong, neh wa [u do# phă dlai ngă đang hmua dong tah mơ\, thâo ngă đang hmua klă laih kiăng hmâo lu pơdai kơtor [ơi lo\n kơnuk kơna pe\ pha brơi, yua anun tơlơi hơd^p mơda neh wa jai hrơi jai pơplih phrâo hloh.”

           

{ơi Lâm Đồng, hơdôm thun hlâo adih ăt do# mơn pơhiăn juăt [u tu\ yua, biă `u amăng tơlơi pơdo# rơkơi bơnai giăm drah kơtăk, pơdo# rơkơi bơnai mơng muai. Kiăng lui h^ phiăn anai, kiăng biă bôh pơhiăp mơng tha plơi.

 

Ơi K’ Hai [ơi plơi Srê Đăng, să N’Thol Hạ, tơring glông Đức Trọng brơi thâo, hlâo adih tơlơi pơdo# rơkơi bơnai mơng muai hăng pơdo# rơkơi bơnai giăm drah kơtak lu biă [ơi plơi pla. Gơnang kơ ngă klă bruă lăi pơhing anun phiăn juăt anai dưi lui lơi laih.

           

“Biă `u amăng tơlơi pơdo# rơkơi bơnai, hlâo adih juăt pơdo# rơkơi bơnai mơng muai biă. Dong mơng thâo gong gai amra bơtơhmal le\ ră anai plai [ia\ laih.

 

Rơbêh kơ dua thun hăng anai [u hmâo hlơi do# rơkơi bơnai mơng muai. Ană bă hor pô hơpă le\ brơi `u do# pô anun, am^ ama [u dưi pơgo# ôh.

 

{u do# hlơi pơdo# rơkơi mơbai giăm drah kơtăk dong tah. Neh wa thâo pơdo# rơkơi bơnai hăng djuai ania pơkon hăng do# rơkơi bơnai djơ\ thun pơkă mơng kơnuk kơna.”

           

Khă tơlơi hơd^p mơda rơnuk anai hmâo lu tơlơi pơplih phrâo, samơ\ bruă mă mơng tha plơi amăng tơlơi hơd^p mơda [ơi hơdôm bôh plơi kual }ư\ Siăng [u pơplih ôh.

 

Hăng tơlơi găn rơgao, pran đăo gơnang hăng tơlơi hơd^p hơđăp mơng pô, tha plơi dưi bơhmu nao kah hăng hơdôm phun kyâu hrăi pơgang kơ plơi pla./.

Siu H’ Prăk: Pô ]ih hăng pôr