VOV4.Jarai - Kiăng wai lăng, pơgang kơja\p pô lo\n ia rơnuk rơnua guai lo\n ia, hơdôm thun rơgao, Ling tơhan pơgang guai lo\n ia tơring ]ar Gialai hmâo gir run pơdo\ng laih, hơkru\ đ^ “Po\ng gong guai amăng pran jua mơnuih [ôn sang”, lăng anai le\ hơdôm “pơnăng pơgang” anih anom guai lo\n ia.

Dưi hmâo puih kơđông pơgang guai Ia Mơr ]ơkă djru gum kiăng tơtlaih mơng [un rin kơja\p phik amăng thun 2020, sang ano# yă Ksor Chah (plơi Klah, să Ia Mơr, tơring glông }ư\ Prong) mơ-ak biă mă. Yă Chah ruai glăi: “Sang kâo kơnong kơ hmâo hơdôm ar lo\n ngă hmua pơdai anun [u djop [ong huă.

Thun phrâo rơgao, să đing nao djru 1 drơi rơmô hăng Ling tơhan pơgang guai lo\n ia djru pơkra war krư\ hlô, pơtô brơi hơdră bơwih brơi kiăng rơmô suaih pral. Thun anai, ling tơhan brơi kâo 2 drơi un pioh rông, pơkra sa bôh sang juă dlai, war sang hăng ruah sang kâo kiăng ngă “Đang a`ăm ngă gru” prong 56 met kơ rê”.

Tui hăng anun, [ơi Puih kơđông pơgang guai lo\n ia Bah amăng jang jar kơmar Lệ Thanh, Trung tá Vũ Văn Hoằng – mă bruă [ơi Puih kơđông pơgang guai lo\n ia nao mă bruă pơ\ să Ia Dom, tơring glông Đức Cơ kiăng kơ klă, tui hăng kơ]a\o bruă mơng să thun 2020 amra hrưn đ^ dưi pơhro\ trun 36 bôh sang ano# [un rin, amăng anun puih kơđông ]ơkă djru ba 3 bôh sang ano# (sa bôh sang ano# [ơi plơi Mook Đen 2 hăng 2 bôh sang ano# [ơi plơi Mook Trang).

Dong mơng ako# thun truh ră anai, puih kơđông hmâo djru laih hơdôm bôh sang ano# pơplih pơkra đang war, pơsur mơnuih [ôn sang khin hơtai ]an prăk sang prăk pioh tuh pơplai bơwih [ong huă, ngă đang hmua, pơtô brơi hơdră phrâo măi mok, lăng nao truh tơlơi hrăm hră mơng ană bă hơdôm bôh sang ano#...

Ayong Siu Dyơn ([ơi plơi Mook Đen 2) – sa amăng 3 bôh sang ano# dưi hmâo puih kơđông djru tơtlaih mơng [un rin – pơdah pran jua: “Sang kâo [u hmâo lo\n ngă đang hmua, bơnai kâo le\ duam ruă na nao anun tơlơi hơd^p mơda tơnap tap biă! {ing ling tơhan pơgang guai lo\n ia păp [ing ]ơđai biă anun brơi 3 ]ô ană pô nao [o\ng huă  [ơi “Anih tơnă hơbai kiăng khăp” mơng puih kơđông.

Phrâo anai, gơnang kơ ling tơhan pơtô brơi, kâo hmâo ]an prăk mơng Sang prăk gah hơdră bruă mơnuih mơnam tơring glông pioh blơi 2 drơi rơmô ba glăi rông”.

Rơngiao kơ djru mơnuih [ôn sang tơtlaih mơng [un rin, hơdôm hrơi rơgao, hơdôm bôh puih kơđông Pơgang guai lo\n ia tơring ]ar Gialai do# ba truh pran đăo gơnang [ơi guai lo\n ia hăng hơdôm bruă mă klă biă.

Thượng tá Rmah Tuân – Khua apăn bruă Ping gah {irô git gai Khul ling tơhan pơgang guai lo\n ia tơring ]ar Gialai brơi thâo: {irô git gai ling tơhan hmâo ]râo ba hơdôm bôh anom hluai tui bôh nik ră anai pơdo\ng, pok pơhai hơdôm hơdră djru mơnuih [ôn sang djơ\ hloh.

Rơđah biă `u, mơng thun 2012 truh ră anai, Puih kơđông pơgang guai lo\n ia [ơi Bah amăng jang jar kơmar Lệ Thanh djă pioh bruă djru gum mơng 14-16 ]ô ]ơđai tui hơdră “Sang apui khăp păp”; hơdôm bôh Puih kơđông pơgang guai lo\n ia Tiểu đoàn Pơhra\m bruă ling tơhan – Cơ động ăt kah hăng hơdôm bôh anom, gru\p amăng {irô git gai khul ling tơhan djă pioh ba glăi bôh tơhnal bruă djru 50 ]ô ]ơđai tui jơlan hơdră “}ung ba ]ơđai nao sang hră”.

Biă `u hmâo 11 ]ô ]ơđai glăk dưi rông [ơi hơdôm gru\p hyu mă bruă [ơi anai tui hơdră “Ană rông Puih kơđông pơgang guai lo\n ia”…

Ơi Rơlan Chim – Khua git gai Ping gah să Ia Mơr (tơring glông }ư\ Prông) – lăi rơđah: “Hơdôm hrơi rơgao, 2 bôh Puih kơdông pơgang guai lo\n ia Ia Mơr hăng Ia Lốp hmâo laih lu tơlơi gum hơgo#p sit nik djru să pơdo\ng hăng hơkru\ đ^ glông bruă kơđi ]ar, djă kơja\p tơlơi rơnuk rơnua plơi pla.

Mơnuih apăn bruă [ơi Puih kơđông do# pơphô brơi klă hăng [ơi anăp djru mơnuih [ôn sang pơdo\ng hơdôm hơdră bơwih [ong huă, pơphun ngă tui lu ring bruă djru ngă giong hơdôm tơhnal pơkă pơdo\ng plơi pla phrâo”.

Thượng tá Rmah Tuân brơi thâo, truh ră anai, Ling tơhan pơgang guai lo\n ia Gialai hmâo pơphô brơi laih kơ 3 bôh tơring glông guai lo\n ia pơdo\ng, ngă giong 13 gru\p wai lăng mă pô guai lo\n ia, po\ng gong guai lo\n ia, ngă hră rơkâo wai lăng mă pô 11 po\ng gong guai lo\n ia hăng 67,8/90 km jơlan guai lo\n ia mơng tơring ]ar; 48 gru\p wai lăng mă pô tơlơi rơnuk rơnua hơđong plơi pla; sa gru\p [at tô song wai lăng mă pô hăng 2 gru\p wai lăng mă pô hơđong amăng neh wa tui đăo.

Pha ra ha jăn, [ơi Puih kơđông pơgang guai lo\n ia Ia Chía (tơring glông Ia Grai), tui hăng Đại uý Rơ]om Jueh – Khua gru\p pơtrut pơsur mơnuih [ôn sang mơng puih kơđông, đơ đam să Ia Chía ră anai hmâo 10 gru\p wai lăng mă pô [ơi plơi pla hăng sa gru\p wai lăng mă pô jơlan guai lo\n ia, po\ng gong guai lo\n ia hăng amăng rim gru\p leng kơ hmâo mơnuih apăn bruă tơhan, ling tơhan pơgang guai lo\n ia gum hrom hăng bruă mă le\ ding kơna.

Hơdôm gru\p wai lăng mă pô juăt djă pioh bruă hyu tir, wai lăng ăt kah hăng hyu lăi pơhing, pơtrut pơsur mơnuih [ôn sang ngă tui tơpă hơdôm hơdră pơtrun, jơlan gah mơng Ping gah, tơlơi phiăn mơng Kơnuk kơna, yua anun mơnuih [ôn sang hơđong pran jua mă bruă bơwih [ong huă hăng gum hrom klă bruă pơgang pô lo\n ia rơnuk rơnua guai lo\n ia.

Ơi Siu Phim – Khua plơi Biă ngă rah Khua Gru\p wai lăng mă pô hơđong plơi Biă (să Ia Chía) brơi thâo: “Rim rơwang hrơi tơjuh, [ing ding kơna amăng gru\p leng kơ gum hrom hyu tir, wai lăng, thâo tơlơi [ơi anai hăng hmao pơsir hơdôm tơlơi brơdjơ\ brơsao amăng mơnuih [ôn sang, yua anun tơlơi kle\ do\p, pơtaih nao rai [ơi anai plai [ia\ laih”.

Truh ră anai, bruă mơnuih [ôn sang gum hrom wai lăng mă pô jơlan guai lo\n ia, po\ng gong guai lo\n ia, rơnuk rơnua hơđong plơi pla hmâo pơphun klă laih hăng jai hrơi ngă tui ba glăi bôh tơhnal.

Rơbêh kơ 10 rơbâo bôh sang ano# ngă hră rơkâo gum hrom wai lăng mă pô hơđong plơi pla; 3.800 ]ô mơnuih rơkâo wai lăng mă pô glông guai lo\n ia; 93 bôh sang ano# hăng 120 ]ô mơnuih rơkâo wai lăng mă pô po\ng gong guai lo\n ia. Anun le\ hơdôm pơnăng pơgang kơja\p [ơi guai lo\n ia./.

Siu H’ Prăk: Pô ]ih pơblang