VOV4.Jarai-Djuai ania K’ho lăi hơjăn hăng djuai ania aset [ơi kual C|ư\ Siăng lăi hro\m, [u hơmâo hră c\ih pioh lui ôh, yua hnun, lơm c\i djă pioh gru grua boh thâo mơng djuai ania, [ing gơ`u pơtô glăi hăng amăng bah soh yơh. Tơlơi pơhiăp juăt pơtưh laih anun juăt adoh – pơhiăp, amăng anun ră ruai bruă hơmâo mơng đưm yơh lu hloh.

 

Hơdôm tơlơi adoh djuai ania K’ho pơ[ut hro\m hăng tơlơi mơ\ ană plơi juăt iâu le\ nri (tơlơi phiăn đưm), tơlơi phai yang, tam pơt hăng lah long (adoh pơtưh, pơtưh tơdăm dra).

 

Tơlơi adoh amăng mông ngui ngor, ngă yang hơmâo mă yua lu amăng mông ngă yang rơbang. Tơlơi adoh anun juăt `u arăng pơtưh, boh pơhiăp glông ber tui hloai, [u kiăng dưm knar ôh.

 

Adoh suang mơ\ng djuai ania K'ho

 

Wơ\t hăng bruă pơtô pơblang, pơsur nao rai, tơlơi pơtưh kơ tơlơi phiăn đưm ăt hơmâo arăng adoh pơtưh mơn:

 

C|im jông [u pơdơi c\ơc\eh ac\ăng

Bip ia [u kơđiăng c\ơc\eh aku

Aj^ amăng amăng rơưng mơ`i ing ing

Akan amăng dơnao c\oh ia [ơ[ok

Kơbao brơi glăi laih, bruă pơsir giong yơh

Kơbao duh ba laih, bruă pơsir hơđong yơh

Kâo [u pơmin nao bruă mơng đưm hlâo

Suai akan tơ\i phăk phai, kaphai nao [ong akan

Hrăo đưm joh baih, kra rai pơrai hmua.

 

 

 

Rơngiao mơng tơlơi phai yang hăng tơlơi pơtưh c\i bơtơhmal mơnuih ngă soh, ăt hơmâo mơn lu tơlơi pơtưh pơko\n kah hăng tơlơi pơtưh pơkhăp, juăt `u pơtưh tơdăm dra. Tơlơi pơtưh anai pơdah pran jua ană mơnuih ta, juăt `u [ing hlăk ai. Bơhmutu hơmâo tơlơi adoh pơtưh kơ pô đah kơmơi hiam:

 

Dra anet hiam kah hăng tơdu\ rơsu`

Ayong pro\ tơmu` [uh h^

Dra anet pơtih puh, ayong kaphai [uh h^

Dra ju\ `u adih, c\im mơyang [uh `u

Dra phrâo truh, un glai c\uk kyâo.

 

Ngui ngor gru grua djuai ania K'ho

 

Drơi jăn ană mơnuih kual C|ư\ Siăng [u kơnong hơmâo arăng pơhmu hăng hlô rông đôc\ ôh mơ\, ăt hơmâo arăng pơhmu hăng phun kyâo, boh troh:

 

Dra hiam

Hrup lôm pơtơi

Drơi `u hrup lôm rơbua

Pha jua hiam pơtih boh mơnu\

Dơmo\m kah hăng rơbung phrâo bluh

Truh kah hăng bơnga phrâo blang

 

Hăng tơlơi adoh mơ-ak tui anai arăng juăt adoh amăng hrơi ngui ngor, nao pơ hmua, sô| ia krông [udah do\ amăng sang dlông, adoh pơdah pran jua kiăng khăp, mơ-ak klă kơplah wa đah kơmơi hăng đah rơkơi.

 

Tơlơi adoh anai arăng juăt iâu le\ lah long [udah tam pơt, kah hăng adoh pơtưh tơdăm dra, hơmâo boh pơtưh hăng adoh hơmâo er, hăng lu tơlơi pơko\n dong amăng gru grua boh thâo đưm.

 

Anun le\ tơlơi pơtưh djơ\ hro\m hăng tơlơi adoh, anai le\ tơlơi adoh rơnguă pran jua. Hơdôm tơlơi adoh kơ tơlơi khăp kah hăng tơlơi juăt pơtưh mơng đưm mơn:

Hre\ a`u\ hiam

Hre\ a`u\ tơlang

Boh troh tơsă amăng glai

Asơi anung amăng po\ ih hyu e\p mă

Rơbung jut rơbung ale c\ăt [ơi hang ia

Dra ju\ hyu pơdong nưh hăng dlông

 

Hơdôm tơlơi pơtưh kah hăng arăng pơhiăp puang glai

 

Kâo tơpông tơngan rơkâo kơ ih hla mlu

Kâo yơr tơngan hnuă tơ`a kơ ih ao buh

Kâo dong [ơi war tơ`a ih kok rơseh

Kok aseh mơ`i ta jing ung jing mô|.

 

Ră anai aste biă mơnuih do\ hơdor, ăt kah hăng tơlơi pơtưh jai hrơi tơnap biă mơng dưi hmư\.

 

Dra aka hơmâo ung ngă bruă [u giong

Tơdăm aka hơmâo mô| ngă bruă [u truh

Ngă sang kiăng hơmâo kyâo

Mơ`am c\ơ-ua kiăng hơmâo kram

Ngă hmua kiăng hơmâo ia

Do\ anet triang kơtang

Pơk sang prong lơm do\ mơdrah

Rơđah adung mơta lơm thun tha

 

Abih bang djuai ania [iă [ơi Lâm Đồng lêng kơ hơmâo tơlơi adoh Yal yau. Yal yau kah hăng ta pơmin glăi bruă đưm. Yal yau ta dưi adoh mơng guah truh mlăm.

 

Hơmâo mơn tơlơi adoh yal yau kah hăng adih sui hrơi mlăm, adoh dua, klâo mlăm mơtăm kah hăng K’rai – Ka lin , Sa pơru mang Yu Mòng – Dò, K’tàng Dam Prah.

 

Lu tơlơi adoh yal yau ngă pơhưc\ pran jua pô hmư\ mơng mơguah truh klăm, mơng mlăm truh rơdah, hơdôm pă phun tơpai c\eh le\ dơ\ anun tơlơi adoh yal yau hơmâo arăng adoh.

 

Amăng tơlơi adoh đưm djuai ania [iă kual C|ư\ Siăng, jê| giăm hăng yal yau le\ adoh đơs crih. Đơs le\ pơhiăp, ră ruai, c\rih le\ tơlơi [u phiah hơmâo. Đơs crih le\ tơlơi adoh phara, adoh kơ tơlơi hling hlang. Tui anun anai le\ tơlơi phara, [u phiah hơmâo, pơ ala kơ ră ruai le\ ta adoh- pơhiăp kiăng [ing ta hmư\ amăng hrơi hyu ataih.

 

Siu H’Mai: Pô c\ih hăng pôr