VOV4.Jarai - Lơ 27/9, Gơnong bruă ia jrao tơring čar Daklak brơi thâo hơmâo dong 2 čô mơnuih djai yua ƀă klin Covid-19, đĭ tui mrô mơnuih djai yua klinCovid-19 amăng tơring čar đĭ 15 čô. Tui anun, mơnuih phrâo djai sa lĕ đah kơmơi 93 thun ƀơi tơring kual Quảng Phú, tơring glông Čư̆ Mgar. Pô anai arăng ƀuh ƀă virus Sars-Cov2 mơng lơ 4/9. Tơdơi kơ 21 hrơi pơjrao, brơi suă jua hăng măi, hlong drah ƀơi sang ia jrao samơ̆ yua kơ tơlơi ruă kơtang laih, tơnap suă jua, bơbrah amăng hơtai boh yua virus Sars-Cov2 ngă, laih dong yua kơ thun tha laih …tơdơi pơjrao ƀu suaih ñu djai laih.

Amăng lơ 27/9, Daklak hơmâo dong 14 čô mơnuih ƀă klin Covid-19

Mơnuih djai tal 2 ăt đah kơmơi 67 thun , dŏ ƀơi phường An Bình, plơi prong Ƀuôn Hồ. Pô anai ƀă klin virus Sars-Cov2 dong mơng lơ 16/9. Tơdơi kơ 11 hrơi pơjrao ƀơi sang ia jrao samơ̆ yua kơ tơnap suă jua, bơbrah amăng hơtai boh yua virus Sars-Cov2 ngă, laih dong ñu lĕ mơnuih rơmong đơi, tơdơi anun ăt ƀu dưi pơjrao suaih lơi. Amăng lơ 27/9, Daklak ăt hơmâo dong 14 čô mơnuih ƀă klin Covid-19.

Siu Đoan: Pơblang