VOV4.Jarai - Mơng pơčrang lăng tañ, mơguah lơ 25/8, gơnong bruă bơdjơ̆ nao ƀuh 14 čô mơnuih dŏ ƀơi ƀut plơi 7 să Čư̆ Êbur, plơi prong Buôn Ma Thuột, tơring čar Daklak ƀă virus Sars-Cov2 mơ̆ aka ƀu thâo lar mơng pă. Ƀing mơnuih anai hơmâo pơčrang hăng RT-PCR yua kơ CDC tơring čar hăng anom bruă wai pơgang klin kual Dap kơdư pơphunTơdơi kơ ƀuh mơnuih ƀă klin, gong gai ƀon lan hơmâo guang dar jơlan kơčep mrô 427 Y Moan, laih dong gum hrŏm hăng gơnong bruă ia jrao pơčrang lăng tañ mơnuih ƀon sang ƀơi kual anai.

Anom bruă ia jrao plơi prong Buôn Ma Thuột pơčrang lăng tañ brơi mơnuih ƀon sang

Yua anun, kơnong amăng 4 hrơi, plơi prong Buôn Ma Thuột ƀuh 2 anih hơmâo klin anun lĕ ƀut plơi 6 hăng 7 să Čư̆ Êbur hăng 31 čô mơnuih ƀă klin. Dua anih anai lêng aka ƀu thâo klin lar mơng pă. Ƀơi anăp kơ tơlơi anai, gơnong bruă ia jrao plơi prong Buôn Ma Thuột amra pok prong bruă pơčrang lăng tañ amăng abih bang mơnuih, kiăng kơ pơčlah hĭ ƀing mơnuih F0.  

Siu Đoan: Pơblang