VOV4.Jarai - Hră pơ-ar ]ih pơkra Jơnum prong tal 13 mơng Ping gah dêh ]ar ta glăk dưi pok pơhai truh hrơi Jơnum prong Ping gah anom bruă gum pơhiăp. Bruă tu\ mă hơdôm tơlơi gum pơhiăp kơ hră ]ih pơkra bruă jơnum yôm phăn biă.

Biă `u, bôh yôm ruah mă tơlơi gum pơhiăp khom pơhlôm djop, tơpă, djơ\ tơlơi gum pơhiăp bơkơtuai amăng mông jơnum ping gah hơdôm gưl hăng gum pơhiăp gum hrom mơng hơdôm gưl mơnuih [ôn sang.

Hmâo tui anun, tơdơi kơ lu wot tu\ mă, ngă giong Ping gah amra hmâo sa hră ]ih pơkra pơhlôm djop pioh lăi pơthâo amăng mông Jơnum prong khua pơ ala đơ đam dêh ]ar ta tal 13 mơng Ping gah.

Amăng bruă jơnum Ding jum kơđi ]ar gum pơhiăp ngă giong hră ]ih pơkra Jơnum prong tal 13 mơng Ping gah, pơphun blan krăh blan 2 phrâo rơgao, Khua git gai Ping gah dêh ]ar, Khua mir sir dêh ]ar ta ơi Nguyễn Phú Trọng hmâo pơtă bruă tu\ mă hơdôm tơlơi gum pơhiăp kơ hră ]ih pơkra kơ bruă Jơnum prong Ping gah tal 13 mơng Ping gah.

Anun le\: Khom hmâo tơlơi pơmin, pran gơgrong.

Hăng jơlan gah hơđong pran jua, hmư\ hiăp, pơpu\ abih bang hơdôm tơlơi gum pơhiăp, lăng glăi to\ng ten, laih anun tu\ mă đut hlah:

“Tu\ mă [u dưi ngă amu`, khom hmâo tơlơi pơmin, pran gơgrong, hmâo tơlơi pơblang, khom dưi pơgang tơlơi gum pơhiăp djơ\. Kâo rơkâo jăng jai iâu le\ jơlan gah: hơđong pran jua hmư\ hiăp, pơpu\ abih bang hơdôm tơlơi gum pơhiăp, lăng glăi to\ng ten laih anun tu\ mă đut hlah.

Lăng glăi to\ng ten. {u amu`, amu` ame\ wot dua bơnah, [u tu\ mă le\ soh, samơ\ lăi tơlơi hơget leng kơ tu\ mă mơtăm le\ [u djơ\ mơn. Pran jua mơng mơnuih dăp hơdră, biă `u hră pơ-ar Ping gah, anăn păn pioh glăi truh rơnuk tơdơi anai.”

Ngă tui tơlơi pơtô ba mrô 60 mơng Anom bruă Ping gah dêh ]ar ta kơ “Ruah mă tơlơi gum pơhiăp amăng hơdôm hră pơ-ar Jơnum prong khua pơ ala tal 13 mơng Ping gah”, [ơi abih bang hơdôm khul Ping gah phrâo pơphun Jơnum prong, hmâo pơphun mă tơlơi gum pơhiăp kơ 4 hră ]ih lăi pơthâo glăi yôm phăn.

Anun le\: Hră ]ih pơkra tơlơi lăi pơthâo glăi bruă kơđi ]ar;

Hră lăi pơthâo glăi bruă klah ]un ngă tui bruă pơđ^ kyar bơwih [ong – mơnuih mơnam 10 thun mơng thun 2011-2020, pơdo\ng Bruă pơđ^ kyar bơwih [ong mơnuih mơnam 10 thun 2021-2030;

Hră lăi pơthâo glăi tơlơi pơsit bôh tơhnal ngă tui bruă pơđ^ kyar bơwih [ong – mơnuih mơnam 5 thun mơng thun 2016-2020 hăng jơlan gah, bruă pơđ^ kyar bơwih [ong – mơnuih mơnam 5 thun mơng thun 2021-2025 hăng Hră lăi pơthâo glăi tơlơi klah ]un bruă pơdo\ng Ping găh ngă tui Tơlơi pơkă Ping gah rơwang bruă jơnum prong 12.

Ơi Võ Hồng Hải, Khua Gru\p pơtô bruă Ping gah tơring ]ar Hà Tĩnh brơi thâo:

“Tui hăng tơlơi pơtô ba hrom mơng Gru\p apăn bruă Ping gah, Gru\p apăn bruă Ping gah tơring ]ar Hà Tĩnh jao brơi kơ Gru\p pơtô bruă Ping gah pơtô brơi rơđah amăng bruă pơphun bơkơtuai gum pơhiăp hyu djop hloh, dưi mă lu tơlơi pơhiăp jai klă hloh.

Biă `u be\ bruă gum pơhiăp hrom hrom, [u rơđah rơđông.

Biă `u gum pơhiăp rơđah kơ rim tơhnal pơkă bruă mă, jơlan gah pơsir hăng gum pơhiăp kơ abih bang djop bôh yôm mơng hơdôm Hră pơ-ar ]ih kơ bruă gum pơhiăp mơng mơnuih apăn bruă, mơnuih ping gah.”

Bruă ruah mă tơlơi gum pơhiăp kơ hơdôm hră pơ-ar ]ih pơkra kiăng tum pơ[u\t bôh thâo ia rơgơi mơng mơnuih apăn bruă, mơnuih ping gah hăng hơdôm gưl mơnuih [ôn sang gum pơsit hơdôm tơlơi yôm phăn mơng Ping gah hăng Lo\n ia.

Anai do# jing le\ pioh ngă tui tơlơi tơpă amăng Ping gah hăng abih bang mơnuih mơnam, pơjing tơlơi pơlir hơbit gah tơlơi pơmin hăng bruă mă amăng abih bang Ping gah, abih bang mơnuih [ôn sang;

Hrom hăng anun djru hơdôm gưl ping gah thâo jơlan gah tơlơi pơmin, tơlơi ]ang rơmang mơng djop gưl mơnuih [ôn sang, mơnuih apăn bruă, mơnuih ping gah kiăng pơhrua nao, pơđ^ kyar jơlan gah, hơdră pơtrun mơng Ping gah, hơdră bruă, tơlơi phiăn mơng Kơnuk kơna.

Lu mơnuih apăn bruă, mơnuih ping gah ]ang rơmang:

 -Amăng hơdôm hră pơ-ar Jơnum prong tal 13 mơng Ping gah hmâo lăi rơđah bruă kơdo\ng glăi hưp [ong kông ngăn, nao hrom hăng anun le\ kơdo\ng tơlơi ]rih ]ruai mơnuih mơnam. Hrom hăng anun đing nao pơđ^ kyar bơwih [ong hăng pơđ^ kyar djop mơta bruă amăng mơnuih mơnam.

-Jơnum prong Ping gah đơ đam dêh ]ar ta, hăng bruă pơkra Ping gah, ]ang rơmang khul mơnuih apăn bruă mơng pô jai hrơi klă, hmâo ara\ng đăo gơnang kiăng ngă klă bruă git gai. Mơng anun mơnuih [ôn sang jai hrơi đăo gơnang Ping gah lu hloh hăng ngă giong bruă mă mơng lo\n ia jao.

Jơnum prong Ping gah hơdôm gưl rơwang bruă mơng thun 2020-2025 anăp nao Jơnum prong khua pơ ala đơ đam dêh ]ar tal 13 mơng Ping gah glăk pơphun.

Anai le\ tal jơnum bruă kơđi ]ar prong dơlăm, jing tal tu\ mă lu tơlơi gum pơhiăp klă, bă tơlơi gơgrong, pơdo\ng hăng bôh thâo ia rơgơi amăng hơdôm hră pơ-ar mơng Jơnum prong Ping gah, pơsit truh tơlơi pơđ^ kyar mơng lo\n ia amăng rơwang pơ\ anăp.

Tơlơi anun ăt kiăng hmâo hơdôm hră pơ-ar lăng tơpă nao tơlơi sit nik, pơsit djơ\ bôh nik kiăng pơsit  hơdôm jơlan gah, bruă mă hmâo tơlơi pơplih phrâo.

Nai tha prin, nai prin tha Phùng Hữu Phú, Kơ-iăng Khua Khul pơblang bruă ping gah dêh ]ar, Kơ-iăng Khua Gru\p dăp hơdră hră pơ-ar Jơnum prong tal 13 lăi rơđah: Bôh yôm ruah mă tơlơi gum pơhiăp khom pơhlôm djop, tơpă, djơ\ tơlơi gum pơhiăp bơkơtuai amăng mông Jơnum prong Ping gah hơdôm gưl hăng gum pơhiăp mơng hơdôm gưl mơnuih [ôn sang:

“Ngă hiưm hơpă lom kơsem min, gum pơhiăp amăng Hră pơ-ar Jơnum prong kiăng đing nao bruă e\p tơbiă ano# phrâo, pơhiăp gum pơhiăp amăng tơlơi phrâo lăng djơ\ laih hă akă, djơ\ hăng [ing ta yơh hă, ta#o hloh ngă hiưm hơpă kiăng kơ klă hloh.

Tơdah anăp nao anun, anun le\ pô ta hmâo laih sa tơlơi pơmin ngă hiưm hơpă Việt Nam pơđ^ kyar hloh.

Kah hăng amăng ]ra\n rơnu] hră ]ih pơkra bruă jơnum hmâo lăi đ^ khom hmâo tơlơi ]ang rơmang kơ sa Việt Nam prong kơtang. Yua anun, hră ]ih pơkra kiăng hơkru\ đ^ tơlơi đăo gơnang hăng djă pioh tơlơi ]ang rơmang đ^ kyar.”

“Hră ]ih pơkra le\ hră pơsit hơđong, do# pioh glăi truh rơnuk tơdơi anai dong”, Khua git gai Ping gah, Khua mir sir dêh ]ar ta ơi Nguyễn Phú Trọng hmâo lăi rơdah tui anun amăng bruă jơnum Ding jum kơđi ]ar gum pơhiăp ngă giong hră pơ-ar Jơnum prong tal 13 mơng Ping gah.

Bruă tu\ mă khom djơ\ bôh nik, khom hmâo ara\ng tu\ ư hrom, djơ\ tơlơi pơkă, djơ\ pran jua, abih pran gơgrong hăng khom dưi hmâo tơlơi gum pơhiăp djơ\.

Hmâo tui anun, tơdơi kơ wot tu\ mă, ngă giong bruă Ping gah amra hmâo hră pơ-ar Jơnum pơhlôm djop pioh lăi pơthâo amăng Jơnum prong Khua pơ ala đơ đam dêh ]ar ta tal 13 mơng Ping gah./.

Siu H’ Prăk: Pô ]ih pơblang