VOV4.Jarai - Hrơi ngui ngor pơsit tơlơi dêh čar dưi ngă hloh kơ arăng, ba pơƀuh hăng pơkra 100 mơta añăm ƀong jơman mơng añăm la rok - boh troh - hơbơi hăng bơnga Đà Lạt hơmâo pơphun amăng akŏ blan 4/2021 amra jing bruă ngă hiam biă, pok jơlan čơkă Festival Bơnga Đà Lạt thun 2021. Yap truh lơ 15/3/2021 tơlơi jơnum ngui anai hơmâo ngă pơhưč ƀing hơbai añăm jơman, čih anăn rơkâo pơkra rơbêh 100 mơta añăm ƀong; amăng anun, yap kơnong ƀing rơgơi hơbai añăm mơng Lâm Đồng, hơmâo 77 čô mơng Đà Lạt, 17 čô mơng hơdôm boh tơring glông; dŏ glăi lĕ mơng djŏp tơring tơrang ƀơi dêh čar ta. Ƀing apăn bruă hơbai añăm ƀu kơnong rai mơng hơdôm boh sang sĭ gơnam ƀong huă đôč ôh mơ̆ gơñu rai mơng hơdôm boh sang hră pơtô bruă, mơng hơdôm anih ngă hmua prong...Jơnum ngui “100 mơta añăm pơkra mơng añăm hla rok hăng bơnga Đà Lạt” yua Khul pơlir hơbit Tuai čuă ngui Lâm Đồng - Đà Lạt (LDTA) pơphun, jing hrơi pơbưp, hrăm nao rai mơng ƀing rơgơi hơtuk rơyă tơnă hơbai; ăt kah hăng pơƀuh nao rai añăm pơtăm, boh troh, bơnga Đà Lạt.

Siu H’Mai: Pơblang