VOV4.Jarai-Ngă tui pơkơtưn nao rai mă bruă “{ing tha ba gru bơnga]”, hơdôm thun giăm anai, mơnuih tha rơma pơ plơi prong {uôn Ma Thuột, tơring ]ar Daklak hơmâo lu bruă mă hiam, ba gru hlâo amăng bruă ngă hmua pla pơjing, ming pơkra gơnam s^ mơdrô, ako\ pơdong tơlơi hơdip mơda phrâo rơguăt amăng plơi pla ala [ôn, djru hrom ngă tui djơ\ bruă mă kơđi ]ar tơlơi pơtrun pơđ^ kyar bơwih  [ong huă mơnuih mơnam.

            Lu thun mă bruă gơgrong ba ngă khoa khul adoh soang kơ [ing mơnuih tha rơma thôn 5, să Hòa Phú, plơi prong {uôn Ma Thuột, tơring ]ar Daklak, yă Nguyễn Thị Mai djă gru na nao kơ sa ]ô mơnuih tha rơma mă bruă tơpă, djru hrom amăng bruă khul wai lăng ba mơnuih tha rơma mut phung jơnum pơtum na nao. R^m tlam mơmo\t, dong mơng 7 truh 9 mông mơmo\t, yua kơ yă Mai pơtô, rơbêh 30 ]ô ơi yă tha  rơma amăng khul glăi pơtum pơ sang jơnum plơi pioh hrăm adoh, adoh hơdôm tơlơi adoh bơni kơ plơi pla, kơ lo\n ia. Khă thun tha laih samơ\ djop pô lêng kơ mơak soh, laih anun mưn kơ drơi jăn pral mơn, yă Mai lăi:

            Dong mơng pơtop hrăm hăng adoh lu tơlơi adoh mơak ta [uh amăng pran jua mơak tui, suaih pral hloh. R^m wo\t nao hrăm adoh [ing ơi yă tha rơma bơjak nao jơnum, ako\ pơdong bruă khul brơi mơak anun yơh sit hơmâo tơlơi hơge\t dong, khul gơ`u bơjak nao djru hrom, pơdah tơlơi adoh soang kơ lu mơnuih lăng, anun [ing tha rơma, [ing hlak ai hai lêng kơ nao hrom hơbit soh adoh soang pioh pơdah brơi kơ mơnuih [on sang amăng plơi lăng.

Mông hră adoh soang mơng đah kơmơi tha rơma thôn 5

           Bơ ơi Hồ Việt Sang, thôn 5, să Hòa Thuận, kơnang kơ bruă ngă ơi ia jrao pơjrao hăng ia jrao akha kyâo glăi pơdơi abih thun bruă laih, mơng thun 2008, `u mut hrom khul mơnuih tha rơma, ngă pô djru pơtô brơi bruă pơgang tơlơi suaih pral kơ mơnuih [on sang laih anun pơkă lăng tơlơi duăm ruă kơ [ing tha rơma amăng să. {uh tơlơi hơdip mơda mơnuih [on sang, [ing tha rơma amăng să do\ lu tơlơi tơnap tap, do\ kơ[ah, anun ơi Sang pô ba jơlan hlâo amăng bruă ako\ pơjing khul pơtop rơjang drơi jăn kơ mơnuih tha rơma. Truh ră anai, să Hòa Thuận hơmâo pơjing 8 anih hrăm pơtop rơjang drơi jăn abih bang 140 ]ô ding kơna mơnuih tha rơma, pơtop rơjang na nao drơi jăn r^m hrơi pioh hrăm amăng sa mông. Ơi Hồ Việt Sang lăi:

            Yua ngă tui djơ\ hơdră, hơmâo tơlơi pơtô mơng bruă ia jrao hăng pran jua hiam klă, tơlơi pơhiăp rơ-un rơnang, pran jua đăo kơnang pioh kơ mơnuih hrăm. Hơdră pơtop huăi tơnap đơi ôh, [u pơgo\ ngă gleh glar, samơ\ tu\ yua. Yua ngă klă bruă pơtop rơjang drơi jăn pioh kơ mơnuih tha rơma, pran jua mơak hlak, lu mơnuih mơnam je\ giăm nao rai thâo rơnom, puăi tlao rơhma], pơtrut tui tơlơi hok hor adoh soang amăng plơi pla, yua kơ tơlơi anai yơh pơjing rai tơlơi hơdip klă hiam kơ ană mơnuih phrâo, pơđ^ tui pran jua ai hơtai, pơgăn kơ tơlơi duăm ruă laih anun lui rơmon ako\n rin.

            {u djơ\ kơnong ngă hrom tơlơi adoh soang, pơtop rơjang drơi jăn đô] ôh, [ing yă tha, ơi dôn djru hrom prong biă mă amăng bruă man pơdong plơi pla phrâo lom tơring tơrang. {uh rơđah kah hăng yă Nguyễn Thị Sinh, 74 thun, pơ thôn 1, să Hòa Phú, plơi prong {uôn Ma Thuôt. Yă Sinh brơi thâo: Wo\t lo\n hăng sang do\ mơng gơ`u hơdôm rơtuh met karê, pla hơdôm phun amil amăng đang, r^m thun s^ boh amil ăt hơmâo prak mơn pơhrui glăi hơdôm pluh klak prak, blơi braih huă, a`ăm [ong. Samơ\ lom să jak iâu brơi ]uk pơkra jơlan, `u [u sư\ rơbư\ ôh, brơi koh drôm h^ phun amil pla [ơi war pơga kjăp phik, pioh pok jơlan prong rơhaih. Jơlan hơđăp nao rai dơlut, ră anai hơmâo jơlan hiam kơsu, ngă hăng pơtâo simăng kjăp, yă Sinh [uh mơak biă mă, hơge\t ta dưi djru hrom kah hăng anun, `u lăi:

            Kơnuk kơna pok jơlan pơkra phrâo, ta tui hluai yơh ho\, brơi ruh pơđuăi abih ano\ gun, ruh war pơga, koh drôm phun amil abih. Hơmâo jơlan phrâo, prong rơhaih nao rai hiam mơak [iă, rơdêh nao rai huăi tek djơ\ gop ta kah hăng hlâo.

Yă Sinh do\ [ơi jơlan phrâo pơkra giăm sang `u

            Ơi Nguyễn Công Chính, Khoa pơ ala kơ mơnuih tha rơma plơi prong {uôn Ma Thuột brơi thâo: plơi prong hơmâo 21 Khul pơ phường, să; 240 ]ô khul amăng plơi wai lăng [ing mơnuih tha rơma laih anun hơmâo 664 grup abih bang 18.000 ]ô mơnuih tha rơma ngă ding kơna. Amăng tơlơi hơdip mơda r^m hrơi, [ing mơnuih tha rơma ăt ba jơlan hlâo, ngă ano\ bơnga] pioh kơ ană tơ]ô kiăo tui hăng bruă mă [uh rơđah rơđong mơtam. Tơlơi pơkơtưn nao rai “Tha rơma-ngă gru bơnga]” hơmâo pơphun pơ lu anih anom. {ing mơnuih tha rơma jing mơnuih djru hrom yom biă mă pơtô lăi, pơgăn tơlơi rih răm amăng mơnuih mơnam, jing pô ba gru hlâo, jak iâu ană amôn hăng sang ano\, ană tơ]ô ngă klă jơlan hơdră, tơlơi phiăn mơng ping gah, tơlơi phiăn kơnuk kơna ta. Kiăng kơ bruă pơkơtưn nao rai anai ăt hơmâo pơhrui glăi boh tơhnal lu amăng thun blan pơ anăp, ơi Chính brơi thâo, hrom hăng bruă mă pơpu\ bơni hmao kru, pơlar tui bruă mă hiam kơ hơdôm [ing ngă bruă  klă tu\ yua sit nik, Khul wai lăng mơnuih tha rơma plơi prong ăt ngă hrom kjăp djop anom bruă, gong gai kơnuk kơna kiăng thâo ta` tơlơi hơge\t hơmâo laih anun lăi pơthâo ano\ kiăng, tơlơi ]ang rơmang mơng [ing mơnuih tha rơma. Dong mơng anun, pơkra hơdră ngă tui, ngă hiư\m pă mơng djơ\ hăng tơlơi pơhing kiăng dưi ngă tui amăng kual plơi pla [on [ut amăng plơi prong.

                                                            Nay Jek : Pô ]ih hăng pôr