VOV4.Jarai - Mơmot lơ 19/12, ƀơi tơdron rơdêh por Nội Bài hơmâo mông ngă lơphet Jao vaccine, măi mok, gơnam pioh pơkra ia jrao hăng prăk kak kơ hơdôm anom bruă čar, anom bơwih ƀong mơng Việt Nam. Ƀơi mông jao glăi, Kơ-iăng khua dêh čar ơi Lê Minh Khái hăng Khua djru bruă Ƀirô khua git gai pơ ala mơnuih ƀon sang dêh čar, Khua Anom bruă Ƀirô git gai pơ ala mơnuih ƀon sang Bùi Văn Cường hơmâo brơi vaccine, gơnam yua gah ia jrao, prăk mơta yua hơdôm anom bơwih ƀong Hàn Quốc hăng India brơi kơ Việt Nam ƀrô hrơi nao čuă jơmư mơng Khua git gai pơ ala mơnuih ƀon sang dêh čar jao kơ Ding jum ia jrao, Jơnum min djŏp djuai ania mơnuih mơnam Việt Nam.

Jao glăi vaccine, măi mok, gơnam pioh pơkra ia jrao hăng prăk kăk

Rơđah biă ñu, jao glăi 200.000 liêu vaccine COVAXIN kơ ƀing čơđai yŭ 18 thun yua Grup Bharat Biotech (India) djru. Jao glăi abih boh thâo măi mok hăng 1 tơn gơnam pioh pơkra 4.750.000 asar jrao MOVINAVIR pơjrao Covid-19 yua Kông ti Optimus Pharma (India) ngă hrŏm hăng Kông ti pơčruh ngăn - pơkra jrao  Mekophar (Việt Nam). Jao glăi 2 klai Won (dưm dưm hăng 40 klai prăk) yua Grup prăk kăk Hana (Hàn Quốc) djru hrŏm hăng Sang bruă prăk Sĭ mơdrô pơčruh ngăn Tuh pơ plai hăng Pơđĭ kyar Việt Nam (BIDV) pioh djru kơ mơnuih ƀon sang.

Siu H’Mai: Pơblang