VOV4.Jarai - Jơlan Trường Sơn Đông găn tơring ]ar Daklak pơ phun mơng tơring glông Sông Hinh, tơring ]ar Phú Yên tô hăng 6 bôh să mơng dua bôh tơring ]ar Mdrak hăng Krông Bông tô hăng tơring glông Lạc Dương mơng tơring ]ar Lâm Đồng ataih 131 km.

Ako# thun 2013, Kơnuk kơna tuh pơ plai rơbêh kơ 2.000 rơbâo klai prăk pioh tuh kơ su hăng [ê tông abih bang glông jơlan hăng tơhnal pơkă jơlan dăp tal 4.

Glông jơlan yôm phăn anai djru laih m[s nao rai gêh gal djru pơđ^ kyar bơwih [ong mơnuih mơnam, pơjing pran pơtrut kơ hơdôm anih anom pơdo\ng plơi pla phrâo. Tơlơi ]ih lăi nao mơng pô hyu mă tơlơi pơhing phrâo Tuấn Long, do# mă bruă [ơi kual }ư\ Siăng.

Ling tơhan hơđăp ơi Huỳnh Đắc Cứu 73 thun, [ơi [ôn Trưng, să Krông Jing, tơring glông Mdrak, jing pô [ơi anăp gum hrom pok jơlan Trường Sơn Đông amăng rơnuk blah ngă brơi thâo, hlâo adih, yua kơ jơlan amur tơdơi kơ ]uk mă hnun anun bruă nao rai tơnap tap biă, samơ\ ră anai tuh kơ su pă tơthar djru laih bruă nao rai mơng m[s gêh gal hloh, jơlan nao rai hluh gah, [o# mơta plơi pla gơnang kơ anun mơ\ pơplih abih bang. Ơi Cứu mơ-ak ruai glăi:

“Dong mơng hrơi jơlan Đông Trường Sơn dưi tuh kơ su abih bang hăng mă yua neh wa nao rai gêh gal biă.

Gơnam mă mơng đang hmua neh wa du\ pơgiăng gêh gal, mơnuih s^ mdrô [u hmâo pơgo# noa gơnam tam hăng dưi s^ hmâo noa biă.

Mơnuih [ôn sang duam ruă nao mă [ia\ truh Sang ia jrao tơring glông mơtăm pioh pơjrao [u do# bơngot dong tah, bơ\ [ing ]ơđai le\ ăt mơ-ak mơn juă rơdêh dăng wang nao sang hră”.

Gơnang kơ hmâo jơlan Trường Sơn Đông găn nao mơ\ plơi pla tơring glông Mdrak – Daklak pơplih phrâo abih bang

Ơi Y Luân Niê 67 thun, [ơi [ôn Zô să }ư\ Prao, tơring glông Mdrak ăt le\ pô lăng [uh hơdôm tơlơi pơplih phrâo yua kơ jơlan Trường Sơn Đông ba glăi kơ plơi pla.

~u brơi thâo, tơdơi kơ hrơi tlaih rơngai pơlir hơbit lo\n ia, abih bang kual anai leng kơ hmâo bôh [om, bôh phao mơng tơlơi blah wang ngă răm rai.

Gong gai hăng m[s pơ phun mă bruă pơdo\ng glăi tơlơi hơd^p phrâo hăng hơdră pơdo\ng [ut [ôn, pơdo\ng sang, pơdo\ng glăi anih anom mă bruă, hyu ]ông jah ngă đang hmua.

Glông jơlan phun Trường Sơn Đông ăt răm rai lu ]ra\n mơn, tơdơi kơ anun ]uk h^ samơ\ bruă nao rai mơng m[s ăt do# tơnap tap mơn.

Rim hmâo hơjan [ơi kual anai juăt [u thâo nao rai hăng hơdôm bôh să jum dar hăng kual krah tơring glông Mdrak.

Truh thun 2013, Kơnuk kơna tuhpơ plai hơdôm rơbâo klai prăk pioh tuh kơ su, tuh be tông le\ bruă nao rai mơng m[s mơng sit nik gêh gal, tơlơi bơwih [ong mơnuih mơnam mơng plơi pla pơplih abih bang. Ơi Y Luân brơi thâo:

“Hlâo adih lom hơjan trun jơlan nao rai glut hlu\ biă, kiăng đ^ rơdêh thut khom pơke\ nao ]uăk, rơdêh kai [udah rơdêh thek pơgiăng kơtor, hơbơi pơtơi khom dui hua.

Akă yap nao ôh lom ia ling dăo hơdôm bôh să Ea Hmlây, }ư\ Prao… ia guang dar.

{ing gơmơi kiăng tơbiă nao pơ\ tơring glông khom yua song nao rai [ơi anun glut hlu\ tơdah [u ngă tui anun [u thâo nao rai ôh.

Ră anai jơlan prong, tơpă tơthar laih tô nao rai hăng hơdôm bôh plơi pla, să neh wa nao rai gêh gal biă.

{u do# bơngot kơ ia ling dăo dong tah, pơgiăng gơnam mă mơng đang hmua ăt gêh gal hloh mơn, tơlơi hơd^p mơda neh wa pơplih laih. Neh wa mơ-ak biă”.

Jơlan nao rai amăng plơi pla tô nao rai anun m[s nao rai gêh gal

Tui hăng ơi Y Bới Byă, Kơ-iăng Khoa Jơnum min m[s tơring glông Mdrak, anih anom hmâo 5 bôh să do\ng rôk tui dua bơnah jơlan Trường Sơn Đông le\: }ư\ Prao, Ea Hmlây, Ea Lai, Krông Jing hăng Krông Á.

Đơ đam kual hmâo 52 bôh plơi hăng 17 djuai ania adơi ayong do# hơd^p hrom.

Dong mơng hrơi jơlan Trường Sơn Đông dưi pơkra phrâo djru brơi laih bruă nao rai mơng m[s gêh gal, ngă gal brơi kơ tơlơi bơwih [ong mơnuih mơnam [ơi anai pơđ^ kyar, mrô sang ano# [un rin hro\ trun lăp yap ba.

Bruă pơdo\ng plơi pla phrâo mơng hơdôm bôh să hơnong `u hmâo 14/19 tơhnal pơkă; kơnong kơ să Ea Lai hmâo laih 17/19 tơhnal pơkă.

Ơi Y Bới brơi thâo, gơnang kơ jơlan nao rai gêh gal mơ\ plơi pla glăk đing nao pơdo\ng hơdôm tơhnal pơkă kơ pơdo\ng plơi pla phrâo kơ hơdôm bôh să, djru hơdôm bôh să anai ta` truh ako# amăng hơdôm hrơi ta` hloh.

“Hăng 5 bôh să [ơi jơlan Trường Sơn Đông, [ing gơmơi glăk iâu pơhrui djop ngăn rơnoh đing nao kiăng truh ako# plơi pla phrâo, amăng anun să Ea Lai amra truh ako# blung a amăng thun 2020.

Hơdôm bôh să Krông Á, Krông Jing le\ amra đing nao djop ngăn rơnoh tuh pơ plai kiăng truh ako# amăng thun 2023.

Amăng thun 2030, abih bang hơdôm bôh să do# glăi [ơi jơlan Trường Sơn Đông amra dưi tuh pơ plai kiăng ngă giong bruă pơdo\ng plơi pla phrâo”.

{u djơ\ kơnong kơ hơdôm bôh să [ơi tơring glông Mdrak – Daklak pơplih phrâo gơnang kơ jơlan ôh mơ\ wot sa kual prong prin [ơi }ư\ Siăng ăt dưi pơhmăi truh mơn

Jơlan Trường Sơn Đông dưi pok amăng rơnuk blah ayăt Mi, djru yôm phăn bruă du\ pơgiăng gơnam kơ ling tơhan, braih pơdai gơnam [ong huă, ia jrao gun kơ tơdron blah kual Dơnung dêh ]ar, djru klă amăng bruă tlaih rơngai pơplir hơbit lo\n ia.

Truh ră anai jơlan dưi tuh pơ plai pơkra glăi hăng kơ su, ngă tui ano# tu\ yua prong wot bơwih [ong mơnuih mơnam hăng pơgang rơnuk rơnua lo\n ia.

{o# mơta plơi pla kual ]ư\ siăng mơng sa kual prong prin gơnang kơ anun mơ\ hmâo lu tơlơi pơplih, bruă pơdo\ng plơi pla phrâo mơng hơdôm anih anom ăt dưi gêh gal mơn./.

Siu H’ Prăk: Pô ]ih pơblang hăng pôr