VOV4.Jarai - Mơguah lơ 27/12, ƀơi Hà Nội pơphun jơnum pơčrông sai jar kmar lăng nao rai mơng ataih hăng anăn “Pơsit tơlơi yôm mơng gru grua, ană mơnuih amăng pơplih phrâo hăng pơđĭ kyar ƀơi Việt Nam hăng Lao”. Amăng mông jơnum, ƀing khua mua hơmâo pơčrông sai hơdôm bruă tong ten kiăng ngă rơđah tơlơi yôm mơng gru gru, ană mơnuih amăng pơplih phrâo hăng pơđĭ kyar  bơwih ƀong huă ƀơi Việt Nam hăng Lao amăng hơdôm pluh thun laih rơgao; gru grua amăng tơlơi hơdip hiam ană mơnuih, biă mă ñu hăng ƀing hlăk ai čơđai anet; gru gru amra pơjing rai mơnuih thâo rơgơi djơ̆ hăng tơlơi kiăng amăng pơplih phrâo, pơđĭ kyar lŏn ia.

Jơnum pơphun bưp ƀơi anăp hăng lăng nao rai mơng ataih

Laih dong pơsit tong tơlơi yôm mơng gru grua, ană mơnuih amăng pơđĭ kyar hơđong kjăp lŏn ia, ană mơnuih amăng wai pơgang ayuh hyiăng, mơnuih mơnam hăng hơdôm tơlơi yôm pơplih phrâo. Tơlơi yôm mơng gru grua, ană mơnuih amăng wai lăng dêh čar, wai lăng mơnuih mơnam, pơgăn hĭ bruă bưp ƀong kông ngăn, khưi khai, bruă ngă soh; hơngah hĭ hơdôm tơlơi pơmĭn ƀu klă ƀu hiam, pơgôp wai pơgang hơdôm tơlơi pơtrun mơng Ping gah hăng tui hơdră xã hội chủ nghĩa ră anai.

Siu Đoan: Pơblang