VOV4.Jarai - Tui Anom bruă wai lăng Keh prăk vaccine pơgang Covid-19, yap truh lơ 18/8, Keh vaccine pơgang Covid-19 hơmâo 8.626 klai prăk, hăng rơbêh 5 rơbâo anom bruă hăng mơnuih mơnam gum pơčruh. Anom bruă wai lăng hơmâo mă yua giăm 200 klai prăk pioh blơi vaccine, mrô dŏ glăi năng ai 8.429 klai prăk. Mơng anai truh abih thun, tui hăng akŏ bruă amra tlâ̆o brơi kơ 75 klăk čô mơnuih laih anun kiăng hơmâo năng ai 25.200 klai prăk; amăng anun prăk hơmâo prăp lui rơbêh 14.000 klai, laih anun kiăng hơmâo thim năng ai 11.000 klai prăk. Ding jum prăk kăk hơmâo ngă hrŏm hăng anom bruă pơkra plang web Keh vaccine hăng pôr pơthâo kơ Keh prăk anai ƀơi plang web.

Siu H’Mai: Pơblang